यंदाच्या आयपीएल हंगामातील 52व्या सामन्यात रॉयल चॅलेंजर्स बंगळुरूने (RCB) चेन्नई सुपर किंग्सचा (CSK) 2 धावांनी पराभव केला. विजयासाठी 214 धावांचे लक्ष्य गाठताना, चेन्नईचा संघ 5 विकेट गमावून फक्त 211 धावा करू शकला. या सामन्यात, आरसीबीचा विस्फोटक फलंदाज रोमारियो शेफर्डने (Romario Shephard) 19व्या षटकात खलील अहमदच्या चेंडूवर 33 धावा काढल्या. सामन्यानंतर, रोमारियो शेफर्डने खलील अहमदबद्दल (Khaleel Ahmed) मोठे वक्तव्य केले आहे.
आरसीबीचा विस्फोटक फलंदाज रोमारियो शेफर्ड म्हणाला की, खलील अहमद गोंधळलेल्या स्थितीत असल्याचे त्याचे म्हणणे त्याला जाणवले, ज्यामुळे त्याला चेन्नई सुपर किंग्ज विरुद्ध डेथ ओव्हर्समध्ये या वेगवान गोलंदाजाविरुद्ध लांब शॉट्स खेळण्यास मदत झाली. शनिवारी (3 मे) झालेल्या रोमांचक आयपीएल सामन्यात 14 चेंडूत नाबाद 53 धावांची वादळी खेळी करून शेफर्डने आरसीबीच्या 2 धावांच्या विजयात महत्त्वाची भूमिका बजावली. दरम्यान त्याने आयपीएलमधील दुसरे सर्वात जलद अर्धशतक झळकावले.
सामन्यानंतरच्या पत्रकार परिषदेत शेफर्ड म्हणाला, “खरं सांगायचं तर, माझं लक्ष गोलंदाजावर आणि तो काय करण्याचा प्रयत्न करत आहे यावर जास्त होतं. जेव्हा मी पहिले दोन (षटकार) मारले तेव्हा मला कळलं की गोलंदाज दबावाखाली आहे, मी त्याचे (खलील अहमद) हावभाव पाहिले, मला तो थोडा गोंधळलेला वाटला आणि नंतर मला वाटलं की तो माझ्या नियंत्रणात आहे आणि म्हणून मला माझा नैसर्गिक खेळ खेळावा लागेल.”
शेफर्डने अहमदच्या 19व्या षटकात 33 धावा आणि मथिशा पाथिरानाच्या 20व्या षटकात 21 धावा केल्या, ज्यामुळे आरसीबीचा संघ 5 बाद 213 धावांचा डोंगर उभारण्यात यशस्वी ठरला.
