श्रीलंका विरुद्ध ऑस्ट्रेलिया यांच्यातील 2 सामन्यांच्या कसोटी मालिकेतील पहिला सामना गॅले येथे खेळवला जात आहे. ज्यामध्ये कांगारुंनी नाणेफेक जिंकून फलंदाजीचा निर्णय घेतला. पहिल्या डावात खेळताना ऑस्ट्रेलियाने दिवसाखेर 330 धावा केल्या. ज्यात उस्मान ख्वाजा आणि स्टीव्ह स्मिथ यांनी संघासाठी मोलाची कामगिरी केली. कर्णधार स्टीव्ह स्मिथने शतक ठोकले. दरम्यान स्मिथच्या शतकी खेळीने टीम इंडियाचे महान क्रिकेटपटू सुनील गावस्करांचा एक विक्रम मोडला. पहिल्या दिवसाच्या अखेरीस स्मिथ आणि ख्वाजा नाबाद पॅव्हेलियनमध्ये परतले.
ऑस्ट्रेलियाकडून स्मिथ चौथ्या क्रमांकावर फलंदाजीला आला. या दरम्यान त्याने 188 चेंडूंचा सामना करत नाबाद 104 धावा केल्या. त्याने त्याच्या खेळीत 10 चौकार आणि एक षटकार मारला. स्मिथने ख्वाजासोबत अभेद्य भागीदारी रचली. उस्मान ख्वाजा सलामीला आला होता. त्याने देखील 210 चेंडूंचा सामना करत नाबाद 147 धावा केल्या. ख्वाजाच्या या खेळीत त्याने 10 चौकार आणि 1 षटकार मारला.
स्मिथने आपल्या शानदार कामगिरीने गावस्करांचा महान विक्रम मोडला. कसोटीत सर्वाधिक शतके करण्याच्या बाबतीत त्याने गावस्करांना मागे टाकले आहे. टीम इंडियाचे माजी खेळाडू सुनील गावस्कर यांनी 125 कसोटी सामन्यांमध्ये 34 शतके झळकावली आहेत. तर स्मिथने 115 सामन्यांमध्ये आतापर्यंत 35 शतके केली आहेत. या खेळी दरम्यान स्मिथने 10 हजार कसोटी धावांचा टप्पाही गाठला. या बातमीखेरीस त्याने कसोटीत 10,103 धावा केल्या आहेत.
– 18 Hundreds in Australia.
– 8 Hundreds in England.
– 3 Hundreds in India.
– 3* Hundreds in Sri Lanka.
– 1 Hundred in New Zealand.
– 1 Hundred in South Africa.
– 1 Hundred in West Indies.35th TEST HUNDRED FOR THE GREATEST TEST BATTER OF MODERN ERA, STEVE SMITH 🐐 pic.twitter.com/E81GFrDCeo
— Johns. (@CricCrazyJohns) January 29, 2025
पहिल्या दिवसअखेर ऑस्ट्रेलियाने त्यांच्या पहिल्या डावात 2 विकेट गमावून 330 धावा केल्या आहेत. श्रीलंकेच्या गोलंदाजांना फक्त दोनच विकेट घेता आल्या. ट्रॅव्हिस हेड 57 धावा करून बाद झाला. तर मार्नस लाबुशेन 20 धावा काढून पॅव्हेलियनमध्ये परतला. पण यानंतर ख्वाजा आणि स्मिथने सामन्यावर मजबूत पकड मिळवली. दोघांनीही श्रीलंकेच्या गोलंदाजांसमोर अप्रतिम फलंदाजी केली.
हेही वाचा-
IND vs ENG; भारताने जिंकला टाॅस; मोहम्मद शमीचे पुनरागमन! जाणून घ्या दोन्ही संघांच्या प्लेइंग 11
IND vs ENG: हार्दिक पांड्याची ती चूक पडली महागात, नाही तर सामन्याचा निकाल वेगळा असता?
SL vs AUS; स्टीव्ह स्मिथचा भीमपराक्रम, खाते उघडताच रचला इतिहास, सचिन-द्रविडला टाकलं मागे