दक्षिण आफ्रिकेचा कर्णधार फाफ डू प्लेसिस म्हणाला की, एबी डिव्हिलियर्स लवकरच आंतरराष्ट्रीय क्रिकेटमध्ये पुनरागमन करू शकतो. डुप्लेसिसच्या म्हणण्यानुसार, गेल्या दोन-तीन महिन्यांपासून त्याच्या पुनरागमनाची चर्चा सुरू आहे.
दक्षिण आफ्रिकेत पुढील टी20 मालिकेपूर्वी तो संघात पुनरागमन करेल अशी अपेक्षा आहे. सोमवारी मझान्सी सुपर टी20 लीगच्या अंतिम सामन्यानंतर डुप्लेसिसने याचा खुलासा केला.
“पुढच्या वर्षी ऑक्टोबरमध्ये ऑस्ट्रेलियामध्ये होणाऱ्या टी20 विश्वचषक पाहता डिव्हिलियर्सला संघात आणण्याचा प्रयत्न सुरू आहे,” असे डू प्लेसिस म्हणाला. संघाचे नवे प्रमुख प्रशिक्षक मार्क बाऊचर यांनी नुकतेच सांगितले की, आम्ही डिव्हिलियर्सचे संघात स्वागत करू इच्छितो.
डू प्लेसिस म्हणाला, ‘टी20 विश्वचषक आता फार दूर नाही. या हंगामात संघ जास्त टी20 आंतरराष्ट्रीय सामने खेळणाप नाही. त्याच्याशी चर्चा झाली आहे. पुढील आंतरराष्ट्रीय टी20 मालिका सुरू होण्यापूर्वी एबी डिव्हिलियर्सचे संघात पुनरागमन होऊ शकते.’
2017 मध्ये ऑस्ट्रेलियाविरुद्धच्या कसोटी मालिकेनंतर डिव्हिलियर्स आंतरराष्ट्रीय क्रिकेटमधून निवृत्त झाला होता .
सध्या तो जगातील विविध देशांमधील टी20 लीगमध्ये खेळत आहे. दक्षिण आफ्रिकेचा संघ इंग्लंडविरुद्ध मायदेशात 12 ते 16 फेब्रुवारी 2020 दरम्यान तीन सामन्यांची टी20 मालिका खेळणार आहे. यानंतर 21 फेब्रुवारी ते 26 फेब्रुवारी 2020 या कालावधीत ऑस्ट्रेलियाविरुद्ध तीन सामन्यांची टी20 मालिका़ खेळणार आहे.
डू प्लेसिस म्हणाला, सध्या त्यांचे लक्ष इंग्लंडविरुद्धच्या कसोटी मालिकेवर आहे. इंग्लंड विरुद्धचा दक्षिण आफ्रिकेचा पहिला सामना 26 डिसेंबरपासून सेंच्युरियन येथे खेळला जाईल. ‘अर्थात याक्षणी कसोटी मालिका ही सर्वात महत्वाची गोष्ट आहे आणि टी20 क्रिकेट हे पूर्णपणे भिन्न स्वरूप आहे,’ असे डू प्लेसिस म्हणाला.
दक्षिण आफ्रिकेच्या क्रिकेट मंडळामध्ये गेल्या आठवड्यात झालेल्या नाट्यमय बदलांचे डू प्लेसिसनी स्वागत केले आहे.
दरम्यान, माजी कर्णधार ग्रॅमी स्मिथला दक्षिण आफ्रिकेचा कार्यकारी क्रिकेट संचालक म्हणून नियुक्त करण्यात आले आणि बाऊचर यांना मुख्य प्रशिक्षक म्हणून नियुक्त करण्यात आले.
आज मैदानात पाऊल ठेवताच किंग कोहलीच्या नावावर झाला हा मोठा विक्रम
वाचा👉https://t.co/4u6yXpiPp8👈#म #मराठी #Cricket @Mazi_Marathi @BeyondMarathi @MarathiRT #INDvsWI— Maha Sports (@Maha_Sports) December 18, 2019
दुसऱ्या वनडेसाठी अशी आहे ११ जणांची टीम इंडिया
वाचा👉https://t.co/fBVIVo0zDs👈#म #मराठी #Cricket @Mazi_Marathi @BeyondMarathi @MarathiRT #INDvsWI— Maha Sports (@Maha_Sports) December 18, 2019