भारतात ज्याप्रमाणे मास्टर ब्लास्टर सचिन तेंडुलकर, विराट कोहलीला लोकप्रियता आहे तशी ती ऑस्ट्रेलियातही आहे. अलीकडेच, मेलबर्नमधील सिटी ऑफ मेल्टन येथे आगामी हाऊसिंग इस्टेटने रस्त्यांना सचिन, विराट आणि काही इतर क्रिकेटपटूंची नावे देऊन त्यांचा सन्मान करण्याचा निर्णय घेतला आहे.
सचिन तेंडुलकरच्या रस्त्याला ‘तेंडुलकर ड्राइव्ह’ असे नाव देण्यात आले आहे. तर विराटच्या रस्त्याला ‘कोहली क्रिसेन्ट’ नाव देण्यात आले आहे. प्रॉपर्टी डेव्हलपर वरुण शर्मा म्हणाले की, या उपक्रमाला खूप सकारात्मक प्रतिसाद मिळाला आहे. भारताचा कर्णधार विराट कोहली यावर्षीच्या शेवटी होणाऱ्या ऑस्ट्रेलिया दौऱ्यादरम्यान मेलबर्नच्या या रस्त्यावरुन जाईल अशी वरुण यांना अपेक्षा आहे.
वरुण एसबीएस हिंदीशी बोलताना म्हणाले, ‘जेव्हापासून क्रिकेटपटूंच्या नावावर रस्त्यांची नावे ठेवली जाणार आहेत असे प्रसिद्ध झाले, तेव्हापासून इथल्या मालमत्तेबद्दल माहिती घेणार्‍या लोकांची संख्या दुपटीने वाढली आहे. आपल्याला माहित नाही कदाचीत भारताचा कर्णधार विराट कोहली या डिसेंबरमध्ये मेलबर्नमध्ये असताना या रस्त्यावरुन जाईल.’
सचिन आणि विराट व्यतिरिक्त वसीम अक्रम (अक्रम वे), रिचर्ड हॅडली (हॅडली स्ट्रीट), कपिल देव (देव टेरेस), जॅक कॅलिस (कॅलिस वे), सर गारफिल्ड सोबर्स (वेस्ट इंडीज) यांची नावे वापरली गेली आहेत. ), स्टीव्ह वॉ (वॉ स्ट्रीट) यांची नावेही रस्त्यांना देण्यात आली आहेत.
दरम्यान, सिटी ऑफ मेल्टनच्या महापौर सीआर लारा कार्ली यांनी हा खुलासा केला आहे की या क्रिकेटची थीम असलेली नावे समाजात आधीच लोकप्रिय असल्याने त्यांना सकारात्मक प्रतिक्रिया मिळत आहे.
ट्रेंडिंग घडामोडी –
आख्ख्या पिढीला वेड्यात काढलेल्या क्रिकेटमधील काही मजेशीर अफवा
क्रिकेट ऑस्ट्रेलियाला संकटातून बाहेर काढणाऱ्या दिग्गजानेच दबावामुळे दिला राजीनामा…
‘धोनीने खूप शिकवलं पण तो नसतानाही मी स्वत:ला सिद्ध केलं आहे’