पुणे। बिलियर्ड्स अँड स्नूकर असोसिएशन ऑफ महाराष्ट्र(बीएसएएम) यांच्या वतीने आयोजित व मनिषा कन्स्ट्रक्शन आणि व्हॅस्कॉन इंजिनियर्स लिमिटेड प्रायोजित मनिषा-व्हॅस्कॉन बिलियर्ड्स व स्नूकर राष्ट्रीय अजिंक्यपद स्पर्धेत वरिष्ठ बिलियर्ड्स मुलांच्या गटात पीएसपीबीच्या सौरव कोठारी व पंकज अडवानी यांनी अनुक्रमे ब्रिजेश दमानी आणि ध्व्ज हरिया यांचा पराभव करून अंतिम फेरीत प्रवेश केला.
पीवायसी हिंदू जिमखाना येथील नव्याने उभारण्यात आलेल्या बिलियर्ड्स हॉलमध्ये सुरु झालेल्या या स्पर्धेत वरिष्ठ बिलियर्ड्स गटात पहिल्या उपांत्य फेरीच्या लढतीत 23वेळा जागतिक विजेतेपद पटकावणाऱ्या पेट्रोलियम स्पोर्ट्स प्रमोशन बोर्डच्या पंकज अडवानी याने आपली विजयी मालिका कायम ठेवत पेट्रोलियम स्पोर्ट्स प्रमोशन बोर्डच्या भारताचा क्र.2 खेळाडू ध्व्ज हरिया याचा 5-0(150(150)-07, 150(81)-93, 150(150)-02, 152(152)-106(106), 151(151)-00 असा सहज पराभव करून दिमाखात अंतिम फेरी गाठली.
सुमारे तीन तास चाललेल्या या लढतीत पंकजने आपला अनुभव कौशल्याचा सुरेख संगम साधत पहिल्या फ्रेममध्ये 150 गुणांचा ब्रेक नोंदवून हरियाविरुद्ध 150(150)-07 अशी जिंकून सुरेख सुरुवात केली. त्यांनतर सामन्यात आपले वर्चस्व कायम राखत पुढील दोन्ही फ्रेम 150(81)-93, 150(150)-02 अशा फरकाने जिंकून सामन्यात आघाडी घेतली.
पिछाडीवर असलेल्या ध्व्ज याने चौथ्या फ्रेममध्ये पुनरागमन करत 106गुणांचा ब्रेक नोंदविला व सामन्यात ध्वज हा 106-00 अशा स्थितीत आघाडीवर असताना त्याने रेड बॉल मिस केला व याचाच फायदा घेत पंकजने हि फ्रेम 152 गुणांचा ब्रेक नोंदवून 152(152)-106(106) अशी जिंकत आपली आघाडी कायम ठेवली. पाचवी फ्रेमदेखील पंकज याने ध्व्ज विरुद्ध 151(151)-00 अशी जिंकून विजय मिळवला.
दुसऱ्या उपांत्य फेरीच्या सामन्यात माजी जागतिक स्पर्धेतील विजेत्या सौरव कोठारी याने आशियाई क्रीडा स्पर्धेतील कांस्य पदक विजेत्या पीएसपीबीच्या ब्रिजेश दमानीचा 5-0(155(76)-96, 151(91,57)-61, 151(51,65)-78, 152(152)-00, 151(97)-50 असा एकतर्फी पराभव करून अंतिम फेरी गाठली.
स्पर्धेचा सविस्तर निकाल।
उपांत्य फेरी।
पंकज अडवानी(पीएसपीबी) वि.वि ध्वज हरीया(पीएसपीबी) 5-0(150(150)-07, 150(81)-93, 150(150)-02, 152(152)-106(106), 151(151)-00;
सौरभ कोठारी(पीएसपीबी) वि.वि ब्रिजेश दमानी(पीएसपीबी) 5-0(155(76)-96, 151(91,57)-61, 151(51,65)-78, 152(152)-00, 151(97)-50;
वरीष्ट स्नुकर- डबल एलिमीनेशन फेरी
गट अ- मनदीप सिंग(पंजाब) वि.वि परवेश जयकडे(छत्तीसगड)3-0(79-49, 45-32, 49-38);
गट ब:हसन बदामी(महाराष्ट्र) वि.वि तौफीक अली(मेघालय) 3-0(72-43, 93(93)-30, 89(60)-08;
गट ब:भारत सिसोदीया(मध्य प्रदेश) वि.वि सरफराज(पश्चिम बंगाल) 3-2(59-01, 08-65, 35-78, 130(130)-00, 55-32);
गट ब: जयसन मल्होत्रा(दिल्ली) वि.वि अभिषेक पठानीया(जम्मु काश्मिर) 3-0(52-38, 70-29, 57-52);
गट ब:अषितोश पाध्ये(ओडीशा) वि.वि धवल मकवानी(गुजरात) 3-1(67-21, 48-60, 78(43)-09, 64-49);
गट ब: महम्मद हुसेन(आरएसपीबी) वि.वि कुशल सी(कर्नाटक) 3-2(45-53, 06-70, 73(48)-08, 86-49, 50-37);
गट अ:सम्राट के(मध्य प्रदेश) वि.वि दिव्य त्यागी(जम्मु काश्मिर) 3-1(33-44, 76(38)-12, 52-16, 78-73);
गट क:अरविंद दिनदयाल(गुजरात) वि.वि पिटर पोल(आरएसपीबी) 3-1(63-01, 39-62, 69-22, 56-30);