आयपीएल 2025 मध्ये ऑरेंज कॅपसाठीची शर्यत रंजक होत चालली आहे. सध्या लखनौ सुपर जायंट्सच्या 2 तरुण खेळाडूंमध्ये ऑरेंज कॅप जिंकण्याची लढाई सुरू झाली आहे. खरंतर, मंगळवारी लखनौ सुपर जायंट्स आणि कोलकाता नाईट रायडर्स सामना खेळला गेला होता, ज्यामध्ये लखनौने 4 धावांनी विजय मिळवला. या सामन्यात निकोलस पूरन आणि मिशेल मार्श यांनी लखनौसाठी तुफानी अर्धशतके झळकावली, हे दोन्ही फलंदाज सध्या ऑरेंज कॅप टेबलमध्ये पहिल्या 2 स्थानांवर आहेत.
कोलकाता- लखनौ सामना सुरू होण्यापूर्वी, निकोलस पूरन 201 धावांसह ऑरेंज कॅप टेबलमध्ये अव्वल स्थानावर होता. त्यावेळी मिचेल मार्श 184 धावांसह चौथ्या स्थानावर होता. कोलकाता विरुद्धच्या सामन्यात मार्श प्रथम फलंदाजी करण्यासाठी आल्यापासून त्याने 18 धावा केल्या आणि ऑरेंज कॅप आपल्या नावावर केली. एलएसजीच्या डावाच्या 11 व्या षटकात पूरन फलंदाजीसाठी आला आणि तोपर्यंत मार्शने 48 धावा केल्या होत्या आणि ऑरेंज कॅपच्या शर्यतीत निकोलस पूरनपेक्षा खूप पुढे होता.
मिचेल मार्शने केकेआर विरुद्धच्या सामन्यात 81 धावा केल्या, ज्यामुळे आयपीएल 2025 च्या हंगामात त्याच्या एकूण धावसंख्या 265 झाली. मार्श फलंदाजीत आघाडीवर असेल, पण त्याला एका सेकंदासाठीही ऑरेंज कॅप घालण्याची संधी मिळाली नाही. कारण कोलकाता विरुद्धच्या सामन्यात पूरनने नाबाद 87 धावांची खेळी केली, ज्यामुळे तो ऑरेंज कॅपच्या शर्यतीत मार्शपेक्षा 23 धावांनी पुढे आहे. पूरनने आतापर्यंत 5 सामन्यांमध्ये 288 धावा केल्या आहेत.
आयपीएल 2025 च्या ऑरेंज कॅपच्या शर्यतीत, निकोलस पूरन पहिल्या स्थानावर आहे आणि मिशेल मार्श दुसऱ्या स्थानावर आहे. आतापर्यंतच्या हंगामात सर्वाधिक धावा करणारा खेळाडू सूर्यकुमार यादव आहे, ज्याच्या नावावर 199 धावा आहेत. अनुक्रमे 191 आणि 184 धावा करणारे साई सुदर्शन आणि अजिंक्य रहाणे अजूनही चौथ्या आणि पाचव्या क्रमांकावर आहेत.
