पुणे: कविश लिमये याने 16व्या विनायक नवयुग मंडळ खुल्या राज्यस्तरीय जलद बुद्धिबळ स्पर्धेत 14 वर्षांखालील मुलांच्या गटाचे विजेतेपद पटकावले. त्याने सात फेऱ्यांअखेर सहा गुणांची कमाई केली, तर दहा वर्षांखालील गटात वेदांत कुलकर्णीने बाजी मारली.
विनायक नवयुग मित्र मंडळ ट्रस्ट आणि हिंद शक्ती सोशल फाउंडेशन यांच्या वतीने आयोजित ही स्पर्धा भांडारकर रोडवरील साने डेअरी चौक येथील मिलेनियम टॉवर्स येथे झाली. या स्पर्धेतील 14 वर्षांखालील मुलांच्या गटातील सातव्या आणि अखेरच्या फेरीत पहिल्या पटावर कविश लिमये (1596 रेटिंग) आणि रिजूल कुरडे (1551 रेटिंग) यांच्यातील डाव बरोबरीत सुटला.
दुसरीकडे, काळ्या मोहरांसह खेळताना विहान देशमुखने ध्येय गोंढाला, तर भूवन कोन्नूरने चिराग रेड्डीला पराभूत केले. त्यामुळे कविश लिमये, विहान देशमुख आणि भूवन कोन्नूर यांचे सात फेऱ्यांअखेर प्रत्येकी सहा गुण झाले. मात्र, टायब्रेकमध्ये सरस ठरल्याने कविशने अव्वल क्रमांक पटकावला. विहानने दुसरा, तर भूवन तिसऱ्या क्रमांकावर राहिला.
स्पर्धेतील पहिल्या दहा क्रमांकांच्या खेळाडूंना रोख पारितोषिक देऊन गौरविण्यात आले. यात कविशला 2,500 रुपये आणि करंडक, विहानला 2,000 रुपये आणि करंडक, तर भूवनला 1,500 रुपये आणि करंडक देऊन गौरविण्यात आले.
स्पर्धेतील दहा वर्षांखालील गटात वेदांत कुलकर्णीने सहा गुणांसह बाजी मारली. त्याला 2,500 रुपये आणि करंडक देऊन गौरविण्यात आले. शौनक पाठक (6) दुसऱ्या क्रमांकावर राहिला. त्याला 2,000 रुपये आणि करंडक देऊन सन्मानित करण्यात आले. अर्जुन कौलगुड (5.5) तिसऱ्या क्रमांकावर राहिला. त्याला 1,500 रुपये आणि करंडक देण्यात आले. अव्वल दहा क्रमांकांच्या खेळाडूंना रोख पारितोषिक आणि पदके देण्यात आली.
या स्पर्धेच्या बक्षीस समारंभप्रसंगी आंतरराष्ट्रीय टेनिसपटू ऋतुजा भोसले, दाते आणि कंपनीचे हेमचंद्र दाते, उद्योजक अतुल कटारिया, चिराग कटारिया, आर्बिटर राजेंद्र शिदोरे, दीप्ती शिदोरे, मंडळाचे अध्यक्ष दत्तात्रय फंड, सुनील पांडे- लोहगावकर, अभिजित मोडक, भूषण मोरे, अक्षय शहाणे, निखिल जोशी, ऋषिकेश आर्य, अपर्णा कुऱ्हाडे, सुजित गोटेकर हे उपस्थित होते.
निकाल – 14 वर्षांखालील गट: सातव्या आणि अखेरच्या फेरीचे काही निकाल- कविश लिमये (6) बरोबरी वि. रिजूल कुरडे (5.5), ध्येय गोंढा (5) पराभूत वि. विहान देशमुख (6), चिराग रेड्डी (5) पराभूत वि. भूवन कोन्नूर (6), चिन्मय रेड्डी (4.5) पराभूत वि. विनय एस. के. (5.5), अद्वैत कुमार (4.5) पराभूत वि. वरद मोरे (5.5), नरसिंहभन भोसले (5) वि. वि. स्पृहा कासार (4), तनय कुलकर्णी (4) पराभूत वि. सई देव (5), आयू जयस्वाल (4) पराभूत वि. आदित्य तेलंगी (5), आर्या कदम (4) पराभूत वि. रावी महेरिया (5), राजवर्धन लोदम (4) पराभूत वि. वेदांग अस्निकर (5), नंदिनी लोदम (4.5) वि. वि. खूष पारेख (4), अद्वय देशपांडे (4) बरोबरी वि. अक्षज पाटील (4), अवनीश पाटे (4) बरोबरी वि. कनिका साने (4), रितेश अभंग (4) पराभूत वि. सार्थक कुलकर्णी (4), बिनीवाले (4) वि. वि. अमर्त्या कुबल (3).
10 वर्षांखालील मुले: वेदांत कुलकर्णी (6) बरोबरी वि. अर्जुन कौलगुड (5.5), शौनक पाठक (6) बरोबरी वि. साहिल सुतेरवाला (5.5), राघव पाठक (4.5) पराभूत वि. अधिराज सिंह (5.5), सचिन पार्थ (4.5) पराभूत वि. कृष्णा नतेजा (5.5), रिधान जैन (4) पराभूत वि. रेयांश पदेगावकर (5), वीर पाटील (4) पराभूत वि. रेयांश कमेरकर (5), क्रिशव कान्हेरकर (4) पराभूत वि. ईशान सिंह (5), श्रेयस दमराजू (4) पराभूत वि. मंदा राणा (5), अद्विक नवल (4) पराभूत वि. रिषभ ताडे (5), आज्ञा काटकर (5) वि. वि. नुर्वी कुलकर्णी (3)
महत्त्वाच्या बातम्या-
महाराष्ट्राच्या पूजा दानोळेची सुवर्णभरारी, सायकलिंगमध्ये कोल्हापूरमधील पैलवानांच्या कन्येचे यश
संयमाच्या जोरावर आर्याचे रूपेरी यश, नेमबाजीत महाराष्ट्राचे उघडले खाते
पुण्याच्या मैदानावर भारताची टी20 मधील कामगिरी कशी? जाणून घ्या आकडेवारी