भारतीय क्रिकेट संघाचा कर्णधार विराट कोहली आणि त्याची पत्नी अनुष्का शर्मा यांची जोडी क्रिकेटजगतात खूप प्रसिद्ध आहे. आपल्या फोटो, व्हिडिओंनी ते बऱ्याचदा चाहत्यांच्या आकर्षणाचा विषय ठरत असतात. नुकताच या जोडीचा एक व्हिडिओ सोशल मीडियावर प्रचंड व्हायरल होत आहे. त्यांनी एकाच साबणाच्या कंपनीसाठी एकत्र जाहिरात केली आहे. या व्हिडीओत विराट अनुष्कासाठी गाणे गाताना दिसतो आहे. त्याचसोबत दोघे सोबत नृत्य करताना दिसत आहेत.
व्हिडीओत अनुष्काने गुलाबी रंगाच्या वेषात आहे. तर विराट काळया रंगाच्या सुटमध्ये दिसतो आहे. व्हिडीओत विराट अनुष्काचे सौंदर्य रूप पाहून प्रभावित झाल्याचे दिसते. त्यावर अनुष्का त्याला विचारते की ‘काय बघतो आहेस’. त्यानंतर विराट अनुष्कासाठी ‘ये चाँद सा रोशन चेहरा’ हे गाणे म्हणू लागतो आणि दोघे नृत्य करू लागतात.
अनुष्का आणि विराटचा हा व्हिडिओ सोशल मीडियावर चांगलाच व्हायरल झाला आहे. व्हिडीओवर त्यांचे चाहते भरघोस प्रतिक्रिया देत आहेत.
https://www.instagram.com/p/CSCJVE6gcFC/?utm_source=ig_web_button_share_sheet
विराट कोहली आणि अनुष्का शर्मा हे सध्या मुलगी वामिकासोबत इंग्लंडमध्ये आहेत. दोघेही भारतीय संघासोबत जागतिक कसोटी अजिंक्यपद अंतिम सामन्यासाठी तिकडे गेले होते. तेव्हापासून ते तिथेच आहेत. भारतीय संघाला ४ ऑगस्टपासून इंग्लंडविरुद्ध ५ सामन्यांची कसोटी मालिका खेळायची आहे. त्यानंतर सप्टेंबर महिन्यात इंग्लंड दौरा संपवून ते युएईला रवाना होतील.
‘विरुष्का’ चाहत्यांची आवडती जोडी
अनुष्का शर्मा सिनेअभिनेत्री आहे. तिने अनेक सिनेमांमध्ये काम केले आहे. तिच्या सिनेमांना चाहत्यांकडून चांगला प्रतिसाद मिळत असतो. अनुष्का सोशल मीडियावरही सक्रिय असते. ती नेहमीच तिचे फोटो आणि व्हिडिओ पोस्ट करत असते, जे फार कमी वेळात व्हायरल होतात. विराट कोहली क्रिकेटपटू असून तो भारतीय संघाचा कर्णधार आहे. विराट आपल्या चाहत्यांच्या संपर्कात राहण्यासाठी सतत सोशल मीडियाचा वापर करतो. या दोघांची जोडी खूप प्रसिद्ध आणि चाहत्यांच्या पसंतीची आहे.
महत्त्वाच्या बातम्या-
टीम इंडियाचे ‘हे’ ३ शिलेदार भविष्यात घेऊ शकतात कर्णधार कोहलीची जागा
भारताचा ‘हा’ शिलेदार द्रविडसारखा खेळला तर इंग्लंडचा पराभव निश्चित; माजी क्रिकेटरचा छातीठोक दावा
आयपीएल फ्रँचायझींच्या चिंतेत वाढ, ‘या’ देशातील खेळाडू पहिल्या आठवड्यात नसणार उपलब्ध
