जेव्हा कधी भारताच्या महान फलंदाजांविषयी चर्चा होते, तेव्हा विरेंद्र सेहवागचे नाव घेतलेच जाते. प्रत्येक नवीन खेळाडूची इच्छा असते की, त्याचे आंतरराष्ट्रीय क्रिकेटमधील पदार्पण अप्रतिम व्हावे आणि ते चाहत्यांच्या कायम स्मरणात रहावे. सेहवागसोबत त्याच्या पदार्पणाच्या सामन्यात असेच काहीसे झाले होते. मात्र, तो या सामन्यात काही कमाल करू शकाल नव्हता. त्याने १९९९ मध्ये त्याचे एकदिवसीय आंतरराष्ट्रीय क्रिकेटमधील पदार्पण केले होते. तो या सामन्यात केवळ एक धाव करू शकला होता.
सेहवाग त्यावेळी संघाच्या मध्यक्रमात फलंदाजी करायचा. तो त्याच्या पहिला अंतराष्ट्रीय एकदिवसीय सामना पाकिस्तानविरुद्ध खेळला होता. तो सामन्यादरम्यान फलंदाजीसाठी मैदानात येताच पाकिस्तानच्या खेळाडूंनी त्याला शिवीगाळ करायला सुरुवात केली होती. सेहवागने आरजे रोनकच्या कार्यक्रमामध्ये बोलताना या घडनेची माहिती दिली आहे.
तो म्हणाला, “मी त्यावेळी २०-२१ वर्षाचा होतो. मी फलंदाजी करायला गेलो तर शाहिद अफ्रिदी, शोएब अख्तर, मोहम्मद युसूफ आणि पाकिस्तानच्या संघाचे बाकीच्या सदस्यांनी माझे शिव्यांनी स्वागत केले, त्याही अशा ज्या मी कधी ऐकल्याही नव्हत्या.”
भारतीय संघ या सामन्यात सात विकेट्सने पराभूत झाला होता. भारतीय संघ १९६ धावांवर सर्वाबाद झाला होता आणि पाकिस्तानने ४२ षटकांमध्ये तीन विकेट्स गमावत सामना जिंकला होता.
सेहवागने सांगितले की हा त्याचा पहिला सामना होता त्यामुळे तो जास्त काही करू शकला नाही. तो पुढे बोलताना म्हणाला, “मी थोडीफार पंजाबी समजू शकतो, त्यामुळे मला समजत होते की ते काय बोलत आहेत, पण मी काही करू शकत नव्हतो. कारण तो माझा पहिला सामना होता आणि मी अस्वस्थ होतो. अंदाजे २५००० लोक सामना पाहण्यासाठी आले होते. मी कधीच विचार केला नव्हता की मी कधी एवढ्या लोकांसमोर खेळेल. त्यामुळे तेव्हा मी कही करू शकलो नाही. मात्र, नंतर मी जेव्हा एक चांगला खेळाडू बनलो, तेव्हा मी हे पक्के केले की त्यांना हे सगळं परत करणार”
“आम्ही जेव्हा २००४ मध्ये पाकिस्तान दौऱ्यावर गेलो होतो, तेव्हा मी मुल्तानामध्ये तिहेरी शतक केले. मी त्यांच्या सगळ्या शिव्या परत केल्या आणि बदला घेतला. मी जेव्हा कधी पाकिस्तानविरुद्ध खेळलो, तेव्हा माझे रक्त गरम व्हायचे आणि मी त्यांच्या विरुद्ध नेहमीच चांगले प्रदर्शन केले आहे,” असेही तो कार्यक्रमात म्हणाला.
महत्त्वाच्या बातम्या –
भारताविरुद्ध केलेल्या शानदार कामगिरीमागचे ‘हे’ आहे रहस्य, ओली पोपनेच केलाय खुलासा
टी२० क्रमवारीत उलटफेर; बांगलादेशने ऑस्ट्रेलियाला टाकले मागे, पाहा पहिल्या ५ क्रमांकांवर कोणते संघ
हिटमॅनचा मोठा विक्रम! रोहित ‘असा’ विक्रम करणारा सचिन पाठोपाठ जगातला दुसराच सलामीवीर
