काल आयसीसी विश्नचषक पात्रता फेरीतील झिम्बांब्वे आणि नेपाल यांच्यातील सामन्यात झिम्बांब्वेने ११६ धावांनी मोठा विजय मिळवला. यामुळे त्या संघाची आयसीसी विश्नचषक २०१९ ला पात्र ठरण्याची शक्यता वाढली आहे.
या सामन्यात झिम्बांब्वेकडून ब्रेडन टेलर (१००) आणि सिकंदर रझा (१२३) यांनी शतकी खेळी केली. यावेळी सिकंदर रझाने आपले शतक खणखणीत षटकाराने साजरे केले.
हा षटकार एवढा लांब गेला की तो मैदानाबाहेर असलेल्या पार्कींगमधील गाडीला लागला. यामुळे त्या गाडीची काचही फुटली.
शतकी खेळी केल्यावर या खेळाडूने जोरदार सेलीब्रेशन केले. त्यानंतर हा खेळाडू १२३ धावांवर बाद झाला परंतु हे करताना त्याने केवळ ६६ चेंडू खेळले हे विशेष.
यावरच न थांबता त्याने १० षटकांत ४८ धावा देत ३ विकेट्स घेतल्या.
Video:
Zimbabwe's @SRazaB24 didn't only smash the first century of #CWCQ yesterday… he smashed a car window as he reached the milestone with a six out of the ground! Oops… 🤭 pic.twitter.com/OQrL5MiLO6
— ICC Cricket World Cup (@cricketworldcup) March 5, 2018