भारतीय संघाचा कर्णधार विराट कोहलीने आपल्या ट्विटर प्रोफाईलचा डीपी बदलत महाराष्ट्र पोलीसांच्या कार्याला सलाम केला आहे. सध्या मुंबईसह संपुर्ण महाराष्ट्रात कोरोना व्हायरसच्या जागतिक महामारीमुळे मोठे संकट उभे राहिले आहे.
अशात मुंबई व महाराष्ट्र पोलीस दलातील काहींनी आपले प्राण देखील या लढाईत गमावले आहे. ७ मे पर्यंत महाराष्ट्रात पोलीस दलातील ५३१ जणांना कोरोनाची बाधा झाल्याचे वृत्त होते.
यामुळे कर्णधार विराट कोहली व त्याची पत्नी अनुष्का शर्माने एक निर्णय़ घेतला व मुंबई पोलीस दलाला प्रत्येकी ५ लाखांचे डोनेशन केले.
तसेच विराटने आपला डीपी बदलत महाराष्ट्र पोलीसांचा डीपी ठेवला आहे.
Maharashtra Police has stood by citizens through calamities, attacks & disasters. Today as they lead the war against Corona on the streets, I've decided to celebrate them by changing my DP here on Twitter to the Maharashtra Police logo. Join me in this endeavour. 🙏🏼
— Virat Kohli (@imVkohli) May 10, 2020
महाराष्ट्र पोलीस सतत लोकांच्या मदतीला धावतात. आता कोरोना व्हायरसविरुद्धच्या लढाईतही ते लोकांसाठी रस्त्यावर उतरले आहेत. मी माझ्या ट्विटरचा डीपी बदलुन त्यांच्या कार्याला सलाम करतो. तुम्हीही तुमचा डीपी बदला, असे विराटने आपल्या ट्विटमध्ये म्हटले आहे.
विराट कोहलीने काही वर्षांपुर्वीच मुंबईतील वरळी भागात अलिशान फ्लॅट घेतला असून तो पत्नी अनुष्काबरोबर मुंबईत स्थायिक झाला आहे.
Maharashtra Police has stood by citizens through calamities, attacks & disasters. Today as they lead the war on Corona on the streets, I've decided to celebrate them by changing my DP on Twitter to the Maharashtra Police logo. Join me in this endeavour 🙏
— zaheer khan (@ImZaheer) May 10, 2020
A big THANK YOU to the Maharashtra Police & the Police Forces across India who have been tirelessly working 24/7 to keep us safe.
Jai Hind 🇮🇳
— Sachin Tendulkar (@sachin_rt) May 10, 2020
विराटसह सचिन तेंडूलकर, झहीर खान या माजी क्रिकेटपटूंनीही महाराष्ट्र पोलीसांच्या कार्याला सलाम केला आहे.