पुणे | आयडीयाज्‌ अ सास कंपनी यांच्या तर्फे स्वर्गीय अंकुर जोगळेकर यांच्या स्मरणार्थ 15व्या अंकुर जोगळेकर मेमोरियल आंतर आयटी क्रिकेट 2018-19 स्पर्धेचे आयोजन करण्यात आले आहे. ही स्पर्धा 2 डिसेंबर पासून दर आठवड्याच्या शेवटी शनिवार व रविवारी पुना क्लब व पीवायसी हिंदू जिमखाना क्रिकेट मौदाना व व्हिजन क्रिकेट अकादमी मौदानावर होणार आहेत.
स्पर्धेत एकूण 32 संघांनी आपला सहभाग नोंदनला आहे. यामध्ये गतवर्षीचा विजेता संघ इन्फोसीस व उपविजेता कॅपजेमिनि, विप्रो, सायबेज, आयडीयाज्‌ अ सास कंपनी,टिएटो, सनगार्ड, अॅमडॉक्स्, मर्क्स, केपीआयटी, सॉफ्टहार्ड ऑटोमेशन, आयबीएम, बीएमसी सॉफ्टवेअर, सिनेक्रोन, सिमेंस, यार्डी, परसिस्टंट सिस्टीम, स्प्रिगर नेचर, अॅटॉस्‌ ,गॉस्पल, व्हेरीटास, टॅलेंटीका, टेक महिंद्रा, टाटा टेक्नोलॅजीज्, टाटा कन्सलटन्सी, कॅग्निझंट, सिनरझीप, अर्न्स्ट अँड यंग, सिटी, मास्टर कार्ड, झेन्सर टेक्नोलॅजीज्, ग्लोबाकॉम.या संघांचा समावेश आहे.
स्पर्धेत 8 गट तयार करण्यात आले असून प्रत्येक गटात 4 संघांचा समावेश आहे. पहिल्या फेरीत प्रत्येक संघ 3 साखळी सामने खेळणार आहे. ही स्पर्धा साखळी व बाद पध्दतीने खेळविण्यात येणार आहे.
स्पर्धेत एकूण 1 लाख बारा हजाराची पारितोषिके देण्यात येणार आहेत. विजेत्या संघाला 50 हजार रूपये व करंडक, उपविजेत्या संघाला 30 हाजार रूपये व करंडक. तसेच मालिकावीरला 10 हजार रूपये व करंडक. सर्वोत्कृष्ट फलंदाजाला 5 हजार रूपये तर सर्वोत्कृष्ट गोलंदाजाला 5 हजार रूपये अशी पारितोषिके देण्यात येणार आहेत.
या वर्षी महिलांचे 8 संघ या स्पर्धेमध्ये सहभागी झाले आहेत. यामध्ये केपीआयटी, टेक महिंद्रा, सिमेंस, आयडीयाज्‌ अ सास कंपनी, परसिस्टंट सिस्टीम, अॅमडॉक्स्, विप्रो, इन्फोसीस या संघांचा सामावेश आहे. महिला संघाचे सामने 12,13,19 व 20 जानेवारी 2019 रोजी व्हिजन क्रिकेट अकादमी मौदानावर होणार आहेत. महिलांच्या विजोत्या संघाला 5 हजार रूपये व करंडक, उपविजेत्या संघाला 3 हाजार रूपये व करंडक. तसेच मालिकावीरला 2 हजार रूपये व करंडक. सर्वोत्कृष्ट फलंदाजाला 1 हजार रूपये तर सर्वोत्कृष्ट गोलंदाजाला 1 हजार रूपये अशी पारितोषिके देण्यात येणार आहेत.
स्पर्धेचे उद्घाटन आयडीयाज्‌ अ सास कंपनीचे संचालक प्रशांत केएस, आयडीयाज्‌ अ सास कंपनीचे माजी संचालक व उपाध्यक्ष राजीव नाशिककर, आयडीयाज्‌ अ सास कंपनीच्या फायनान्स् हेड मल्लिका जेम्स्, विंग कमांडर व आयडीयाज्‌ अ सास कंपनीचे माजी संचालक विद्याकांत काळे, विंग कमांडर व अंकुर जोगळेकर मेमोरीअल फाऊंडेशनचे अध्यक्ष उदय जोगळेकर अंकुर जोगळेकर मेमोरीअल फाऊंडेशनचे उपअध्यक्ष विजय जोगळेकर यांच्या हस्ते होणार आहे.