जसप्रीत बुमराहच्या त्या विश्वविक्रमाकडे दुर्लक्ष करुन चालणार नाही…

माऊंट मॉनगनुई। काल (2 फेब्रुवारी) भारताने न्यूझीलंडविरुद्धच्या (India vs New Zealand) 5 सामन्यांच्या टी20 मालिकेतील पाचवा आणि अंतिम (5th & Last Match) सामना 7 धावांनी जिंकला (Won by 7 Runs) आणि न्यूझीलंडला 5-0 ने व्हाईटवॉश दिला. या सामन्यात भारताचा वेगवान गोलंदाज जसप्रीत बुमराहने (Jasprit Bumrah) एक नवा विक्रम केला आहे.

या सामन्यात बुमराहने 4 षटके गोलंदाजी करताना 12 धावा देत 3 विकेट्स घेतल्या. तसेच 1 षटक निर्धाव टाकले. त्यामुळे आता त्याच्या नावावर आंतरराष्ट्रीय टी20 क्रिकेटमध्ये सर्वाधिक निर्धाव षटके टाकण्याचा विश्वविक्रम झाला आहे. त्याने आत्तापर्यंत 50 आंतरराष्ट्रीय टी20 सामने खेळताना एकूण 7 षटके निर्धाव टाकली आहेत.

हा पराक्रम करताना त्याने श्रीलंकेचा वेगवान गोलंदाज नुवान कुलसेकराला मागे टाकले आहे. कुलसेकराने आंतरराष्ट्रीय टी20मध्ये 6 षटके निर्धाव टाकली होती. त्याच्या पाठोपाठ या यादीत तिसऱ्या क्रमांकावर संयुक्तरित्या हरभजन सिंग, कुशल मेंडीस, ट्रेंट जॉनस्टन, अजंथा मेंडिस, मोहम्मद आमिर, मोहम्मद नबी आणि मोहम्मद नवीद हे गोलंदाज आहेत. यांनी प्रत्येकी 5 षटके निर्धाव टाकली आहेत.

आंतरराष्ट्रीय टी20 क्रिकेटमध्ये सर्वाधिक निर्धाव षटके टाकणारे गोलंदाज-

7 षटके – जसप्रीत बुमराह

6 षटके – नुवान कुलसेकरा

5 षटके – हरभजन सिंग

5 षटके – कुशल मेंडीस

5 षटके – ट्रेंट जॉनस्टन

5 षटके – अजंथा मेंडिस

5 षटके – मोहम्मद आमिर

5 षटके – मोहम्मद नबी

5 षटके – मोहम्मद नवीद

'हिटमॅन' रोहित शर्मा 'रनमशीन' कोहलीला पडला भारी; मोडला हा मोठा विश्वविक्रम
वाचा👉https://t.co/Cu8D69KoAC👈#म #मराठी #Cricket #TeamIndia #NZvIND @ImRo45

— Maha Sports (@Maha_Sports) February 2, 2020

जगात कोणत्याच संघाला जमला नाही तो विक्रम टीम इंडियाने अखेर केलाच!
https://t.co/0C2zMAyTa6#म #मराठी #Cricket #TeamIndia #NZvIND

— Maha Sports (@Maha_Sports) February 2, 2020