कोरोना आला आणि ‘या’ खेळाडूचे क्रिकेट करियरचं वाढलं, आता खेळणार २०२३ विश्वचषक

कोरोना व्हायरसमुळे करण्यात आलेल्या लॉकडाऊनमुळे क्रिकेटपटूंना जवळपास ४ महिने क्रिकेटपासून ब्रेक मिळाला होता. त्यामुळे दिग्गज खेळाडू जे १-२ वर्षात आपल्या क्रिकेट कारकिर्दीवर विराम लावण्याच्या विचारात होते, त्यांना पुनर्विचार करण्याचा वेळ मिळाला. ऑस्ट्रेलियाचा मर्यादित षटकांचा कर्णधार आरोन फिंचनेही आपल्या कारकिर्दीला २०२३मध्ये भारतात होणाऱ्या वनडे विश्वचषकापर्यंत वाढवण्याचे ठरवले आहे.

३३ वर्षीय फिंचने म्हटले आहे की, त्याचे आता फक्त एकच लक्ष्य आहे. ते म्हणजे, २०२३ सालच्या विश्वचषकातील अंतिम सामन्यात खेळायचे आणि कारकिर्दीचा शानदार शेवट करायचा. Aron Finch Will Play Till 2023 World Cup

एसईन नेटवर्कशी बोलताना फिंचने म्हटले की, “यावेळी माझ्या कारकिर्दीचा शेवट करण्याची दिनांक भारतात २०२३ला होणाऱ्या विश्वचषकातील अंतिम सामना ही असेल. हेच आता माझे लक्ष्य आहे आणि मी यावर अमल करणार आहे. तेव्हापर्यंत मी ३६ वर्षांचा होईल. तेव्हा माझ्या निवृत्तीसाठी माझ्या वयाबरोबर माझा फॉर्म, मला झालेल्या दुखापती आणि इतर गोष्टींची भूमिका असेल.”

कोरोना व्हायरसमुळे त्याला मिळालेल्या ५ महिन्यांच्या ब्रेकने त्याला उत्तेजित केले आहे. आता त्याचे लक्ष्य आंतरराष्ट्रीय क्रिकेट परिषदेच्या येणाऱ्या ३ मोठ्या टूर्नामेंटमध्ये ऑस्ट्रेलिया संघाचे नेतृत्त्व करणे, हे आहे. अर्थात त्याला २०२१ आणि २०२२ मधील टी२० विश्वचषकात आणि २०२३मधील वनडे विश्वचषकात ऑस्ट्रेलिया संघाचे नेतृत्त्व करायचे आहे, असे पुढे बोलताना फिंच म्हणाला.

शिवाय फिंचने असेही म्हटले की, “पूर्ण वर्षभरात १० ते ११ महिने क्रिकेट यात्रेवर असणाऱ्या खेळाडूंसाठी हा ब्रेक मानसिकदृष्ट्या ताजेतवाने होण्यासाठी उपयोगी ठरला आहे. याची सर्व खेळाडूंना गरज होती. पण, कुणालाही संधी मिळत नव्हती. कोरोना व्हायरसमुळे क्रिकेट क्षेत्र ठप्प होण्यापुर्वी मी २०२३ पर्यंत खेळण्याच्या विचार केला असेल. तर या ब्रेकने माझ्या या विचाराची पुष्टी केली आहे आणि मला जाणीव करुन दिली आहे की, मी तेव्हापर्यंत खेळण्यासाठी पूर्णपणे तयार आहे.”

फिंचची मर्यादित षटकांच्या क्रिकेटमधील कामगिरी उल्लेखनीय आहे. त्याने आतापर्यंत १२६ वनडे सामने खेळत १६ शतकांच्या मदतीने ४८८२ धावा केल्या आहेत. तर, ६१ टी२० सामने खेळत २ शतकांच्या मदतीने १९८९ धावा केल्या आहेत.

महत्त्वाच्या बातम्या –

सुशांत सिंग मृत्यू प्रकरणावर सुरेश रैनाचे ट्विट, म्हणतोय; भाऊ दुख खूप होतंय, परंतू…

धोनीने कारकिर्दीतील पहीला सामना ज्या खेळाडूंसोबत खेळाला ते सर्व खेळाडू आता कोठे आहेत?

फक्त मोदींनी सांगितलं तर धोनी खेळणार २०२१ टी२० विश्वचषक, पहा कोण म्हणतंय हे

ट्रेंडिंग लेख –

या ५ कारणांमुळे एमएस धोनीने निवृत्ती न घेता अजून खेळणे अपेक्षित होते

आयपीएल २०२०: मुंबई इंडियन्सचा कर्णधार रोहित शर्मा यंदा करू शकतो हे ४ मोठे विक्रम

आयपीएल २०२०: या हंगामातील ३ सर्वात धोकादायक सलामी जोड्या