राजकोट येथे भारत आणि दक्षिण आफ्रिका यांच्यात खेळल्या गेलेल्या चौथ्या टी२० सामन्यात आवेश खानने जबरदस्त गोलंदाजी केली आणि या मालिकेतील त्याच्या विकेट्सचा दुष्काळ संपवला. या सामन्यात पॉवरप्लेदरम्यान आवेशला लागोपाठ षटके देण्यात आली आणि त्याचाही त्याला फायदा झाला. भारताचा माजी वेगवान गोलंदाज आशिष नेहरानेही कर्णधार रिषभ पंतचे आवेशला सलग दोन षटके दिल्याबद्दल त्याचे कौतुक केले.
एका क्रकिट वेबसाईटवर बोलताना नेहराने नमूद केले की, “मागील सामन्यांमध्ये पॉवरप्ले दरम्यान अवेश खानला फक्त एक षटकानंतर गोलंदाजीतून काढून टाकण्यात आले होते. मात्र, या सामन्यात काळजीवाहू कर्णधार रिषभ पंतने सलग दोन षटके देऊन चांगली कामगिरी केली.”
आवेशने चार षटकांत १८ धावा देत एकूण ४ बळी घेतले. या कामगिरीनंतर आवेशचा आत्मविश्वास वाढेल, असा विश्वास माजी वेगवान गोलंदाजाने व्यक्त केला. नेहरा म्हणाला की, “आवेश खानने आज फार संथ चेंडू टाकला नाही. त्यावेळी रिषभ पंतने आवेश खानला सलग दोन षटके देताना बघून बरे वाटले. पहिले षटक चांगले असतानाही रिषभने आवेशला दुसरे षटक दिले नाही हे आपण यापूर्वी पाहिले आहे. त्याने प्रभावी गोलंदाजी नोंदवली आहे आणि या गोष्टी तरुणांसाठी महत्त्वाच्या आहेत.”
माजी यष्टिरक्षक पार्थिव पटेलनेही आवेश खानच्या प्रोटीज संघाविरुद्धच्या उत्कृष्ट गोलंदाजीबद्दल कौतुक केले आणि सांगितले की, आवेशने सिद्ध केले की त्याच्यातही प्रतिभा आहे. पार्थिव म्हणाला की, “आवेश खानने योग्य लांबीचा फटकेबाजी केली. त्यांना आंतरराष्ट्रीय क्रिकेटमध्ये भरपूर संधी मिळत आहेत आणि तुमच्याकडे ती प्रतिभा असेल तरच त्या उपलब्ध आहेत. पहिल्या तीन सामन्यांतही त्याने खराब कामगिरी केली नाही. पण आज त्याने ज्या पद्धतीने गोलंदाजी केली त्यावरून त्याच्यात क्षमता असल्याचे सिद्ध झाले. त्याने आयपीएलमध्ये सातत्याने चांगली कामगिरी केली आहे. यष्टीतून काही मदत मिळाली आणि त्याने त्याचा पुरेपूर फायदा उठवला आणि आपली ताकद वाढवली.”
दरम्यान, भारतीय संघाने शुक्रवारी (दि. १७ जून) बलाढ्य दक्षिण आफ्रिका संघाला ५ सामन्यांच्या टी२० मालिकेतील चौथ्या सामन्यात पराभूत केले. या विजयात दिनेश कार्तिक याच्यासोबतच आवेश खान याचेही मोलाचे योगदान होते. त्याने ४ षटकात १८ धावा देत सर्वाधिक ४ विकेट्स घेण्याची कामगिरी केली. ही त्याची आंतरराष्ट्रीय टी२० क्रिकेट कारकीर्दीतील सर्वोत्तम कामगिरी आहे. यापूर्वी खेळलेल्या ५ सामन्यात त्याला फक्त २ विकेट्स घेता आल्या होत्या. २३ धावा देत २ विकेट्स ही त्याची टी२०तील सर्वोत्तम कामगिरी होती. या मालिकेच्या पहिल्या ३ सामन्यात त्याला एकाही विकेटवर आपले नाव कोरता आले नाही. अशात त्याची ही कामगिरी उल्लेखनीय राहिली. या कामगिरीने तो खूपच खुश झाला. त्याने त्याची ही कामगिरी त्याच्या वडिलांना समर्पित केली.
महास्पोर्ट्सचा व्हॉट्सअप ग्रूप जॉइन करण्यासाठी येथे क्लिक करा
हेही वाचा-
VIDEO । चेन्नईच्या चाहत्यांचा नाद नाय राव!, भारताच्या सामन्यांतही घुमला सीएसकेचा जयघोष
अखेर भारत शेवटच्या सामन्यात टॉस जिंकणार!, रिषभ पंतने लढवणार शक्कल
