भारताचा दिग्गज क्रिकेटर रोहित शर्माने (Rohit Sharma) (7 मे) रोजी कसोटी क्रिकेटमधून निवृत्तीची घोषणा घेतली. त्यामुळे चाहत्यांना आशा होती की किमान विराट कोहली (Virat Kohli) देखील इंग्लंड दौऱ्यावर खेळेल, परंतु रोहितच्या निवृत्तीनंतर अवघ्या 5 दिवसांनी ‘किंग कोहली’नेही कसोटी फॉरमॅटला अलविदा केला. विराट हा इतिहासातील भारताचा सर्वात यशस्वी कसोटी कर्णधार आहे. त्याने आपल्या निवृत्तीमागे अनेक प्रश्न सोडले आहेत. आता एक धक्कादायक खुलासा झाला आहे की बीसीसीआय (BCCI) विराटला पुन्हा कर्णधार बनवू इच्छित होते परंतु शेवटच्या क्षणी बोर्डाने यू-टर्न घेतला.
इंडिया टुडेच्या रिपोर्टनुसार, बीसीसीआयने विराट कोहलीला पुन्हा कर्णधार बनवण्याचे संकेत दिले होते. हे बॉर्डर-गावस्कर ट्रॉफी दरम्यान घडले, ज्यामध्ये भारताचा 3-1 असा पराभव झाला. रिपोर्टमध्ये म्हटले आहे की, “विराट कोहलीच्या जवळच्या लोकांचे म्हणणे आहे की अॅडलेड कसोटीनंतर त्याला पुन्हा कर्णधारपद देण्याची सूचना मिळाली होती, परंतु अचानक परिस्थिती बदलली.”
बॉर्डर-गावस्कर ट्रॉफीमध्ये, अॅडलेड कसोटीपर्यंत भारत आणि ऑस्ट्रेलिया प्रत्येकी एका बरोबरीत होते. अॅडलेड कसोटीत भारताला 10 विकेट्सने पराभवाचा सामना करावा लागला. या रिपोर्टमध्ये असे उघड झाले आहे की, विराट कोहलीने पुन्हा कर्णधार होण्याच्या आशेने रणजी ट्रॉफीमध्ये दिल्लीसाठी एक सामना खेळला होता, परंतु बॉर्डर-गावस्कर ट्रॉफीमध्ये भारताच्या 3-1 अशा पराभवानंतर परिस्थिती पूर्णपणे बदललेली दिसत होती.
विराट कोहलीने आता टी20 आणि कसोटी क्रिकेटमधून निवृत्ती घेतली आहे. येत्या काळात तो फक्त वनडे सामने खेळताना दिसेल. दरम्यान, विराट कोहली आयपीएल 2025 मध्ये खेळत आहे आणि (17 मे) रोजी केकेआर विरुद्धच्या सामन्यातही खेळेल. विराट अजूनही ऑरेंज कॅपच्या शर्यतीत आहे. त्याने आतापर्यंत 11 सामन्यांमध्ये 505 धावा केल्या आहेत.
