‘भावा, जरा तरी आदर दाखव’, मार्शच्या ‘त्या’ फोटोवर कडाडली उर्वशी रौतेला

अहमदाबादच्या नरेंद्र मोदी स्टेडियमवर 19 नोव्हेंबर रोजी विश्वचषक 2023 चा अंतिम सामना पार पडला. या सामन्यात ऑस्ट्रेलियाने भारताचा 6 गडी राखून पराभव केला. टीम इंडियाच्या खेळाडूंसह लाखो क्रिकेटप्रेमी भारताच्या पराभवानंतर हळहळले. या अंतिम सामन्याबद्दल क्रीडा क्षेत्रासह राजकीय, मनोरंजन कलाविश्वातून दिग्गजांच्या प्रतिक्रिया येत आहेत. सोशल मीडियाच्या माध्यमातून सिनेविश्वातील अनेक कलाकारांनी आपल्या भावना व्यक्त केल्या आहेत. सध्या अशीच एका अभिनेत्रीची इंस्टाग्राम पोस्ट चर्चेत आली आहे.

विश्वचषक जिंकल्यावर ऑस्ट्रेलिया संघाचे वर्ल्डकपबरोबरचे आणि पार्टी करतानाचे अनेक फोटो सोशल मीडियावर व्हायरल झाले आहेत. यामध्ये ऑस्ट्रेलियाच्या ड्रेसिंग रुममधील एका फोटोने सर्वांचं लक्ष वेधलं. ऑस्ट्रेलियाचा कर्णधार पॅट कमिन्सने त्याच्या इन्स्टाग्राम स्टोरीवर एक फोटो शेअर केला होता. या फोटोमध्ये ऑस्ट्रेलियाचा खेळाडू मिशेल मार्श खुर्चीवर बसलेला असून त्याच्या हातात एक बाटली आहे. खुर्चीवर बसून त्याने चक्क विश्वचषकाच्या ट्रॉफीवर पाय ठेवल्याचं दिसत आहे. हा फोटो व्हायरल झाल्यावर नेटकऱ्यांनी तीव्र संताप व्यक्त केला

https://www.instagram.com/p/Cz_bT0zvf1k/?igshid=MzRlODBiNWFlZA==

अभिनेत्री उर्वशी रौतेलाने इंस्टाग्राम पोस्ट करताना लिहले,

‘भावा जरा वर्ल्डकप ट्रॉफीला आदर दे‌. तू फक्त कूल दिसण्यासाठी ट्रॉफीवर पाय ठेवला आहेस.’

उर्वशी या विश्वचषकाआधी वर्ल्डकप ट्रॉफीसोबत प्रचार करताना दिसली होती. तसेच ती भारतीय संघाच्या आंतरराष्ट्रीय सामन्यांना नेहमी हजेरी लावत असते. भारताचा क्रिकेटपटू रिषभ पंत सोबत सोशल मीडियावर झालेल्या वादामुळे ती चांगलीच चर्चेत आली होती.

(Actress Urvashi Rautela Slams Mitchell Marsh On His Behaviour Of Feet On World Cup Trophy)

हेही वाचा-
“मला माही भाईने सांगितले होते…”, नवा फिनिशर रिंकूने दिले धोनीला क्रेडिट
World Cup Final मध्ये ऑस्ट्रेलियाने केलेल्या हुशारीचा अश्विनकडून खुलासा, म्हणाला, “त्यांनी आयपीएल…”