2026 च्या टी-20 वर्ल्ड कपमधून बांगलादेश बाहेर पडल्यानंतर आता पाकिस्ताननेही ‘ड्रामा’ सुरू केला आहे. पीसीबी (PCB) अध्यक्ष मोहसिन नकवी (Mohsin Naqvi) यांनी 24 जानेवारी रोजी स्पष्ट केले की, पाकिस्तान या स्पर्धेत सहभागी होणार की नाही, याचा अंतिम निर्णय त्यांचे पंतप्रधान घेतील. जर पाकिस्तानने माघार घेतली, तर त्यांच्या जागी कोणत्या संघाला संधी मिळणार, याची चर्चा आता सुरू झाली आहे.
रिपोर्ट्सनुसार, जर पाकिस्तानने या मेगा इव्हेंटमधून माघार घेतली, तर युगांडा (Uganda) संघाला वर्ल्ड कपमध्ये एन्ट्री मिळू शकते. यापूर्वी बांगलादेशने खेळण्यास नकार दिल्यावर आयसीसीने अधिकृतपणे स्कॉटलंडला ग्रुप ‘सी’ मध्ये स्थान दिले आहे.
मोहसिन नकवी यांनी आयसीसीला एकप्रकारे आव्हानच दिले आहे. ते म्हणाले, “जर पाकिस्तान सरकारने वर्ल्ड कप खेळण्यास नकार दिला, तर आयसीसीने खुशाल 22 वा संघ स्पर्धेत आणावा. पाकिस्तानचे पंतप्रधान सध्या परदेशात आहेत, ते मायदेशी परतल्यावरच आमचा सहभाग स्पष्ट होईल. पाकिस्तानचे नियोजित सामने जर ते खेळले तर
सध्याच्या वेळापत्रकानुसार, पाकिस्तानचे सर्व सामने श्रीलंकेत होणार आहेत.
7 फेब्रुवारी: विरुद्ध नेदरलँड्स (पहिला सामना)
10 फेब्रुवारी: विरुद्ध युएसए (USA)
15 फेब्रुवारी: भारत विरुद्ध पाकिस्तान (कोलंबो, श्रीलंका)
जर पाकिस्तान संघ सेमीफायनल किंवा फायनलमध्ये पोहोचला, तरच ते सामने श्रीलंकेत होतील. अन्यथा, स्पर्धेचे उर्वरित महत्त्वाचे सामने भारतातच खेळवले जातील.
