प्रमोशन फेरीतही अहमदनगर पेरियार पँथर्स संघाचा झंझावात सुरूच

क्रांतीज्योत महिला प्रतिष्ठान युवा कबड्डी सिरीज मध्ये अहमदनगर पेरियार पँथर्स संघाचा सलग तिसरा विजय तर नाशिक द्वारका डिफेंडर्स संघाला तिसरा पराभव स्वीकारावा लागला. नांदेड संघाने मुंबई शहर संघाचा विजय रथ रोखत प्रमोशन फेरीत पहिला विजय मिळवला. तर पुणे पलानी टस्कर्स संघाने दुसरा विजय मिळवला तर प्रमोशन फेरीत मुंबई उपनगर संघाने विजयाचा खत उघडलं.

आज झालेल्या पहिल्या सामन्यात मुंबई शहर मौर्य मेवरीक्स संघाला एकतर्फी मात देत नांदेड संघाने विजय संपादन केला. मध्यांतरा पर्यत 18-13 अशी 5 गुणांची आघाडी नांदेड कडे असल्याने दुसऱ्या हाफ मध्ये मुंबई शहर कमबॅक करेल अशी अपेक्षा होती मात्र मुंबई शहराची बचावफळी अक्षरशः निष्फल ठरली. संपूर्ण सामन्यात मुंबई शहर संघाला बचावात केवळ 1 गुण मिळवता आला. याचं खराब कामगिरीने त्याना 26-51 असा पराभव स्वीकारावा लागला. नांदेड कडून अजित चव्हाण ने सुपर टेन पूर्ण केला. तर अभिषेक बोरुडे ने 6 पकडी केल्या. मुंबई शहर कडून शार्दुल पाटील ने एकाकी झुंज दिली.

पुणे पलानी टस्कर्स संघाने 43-34 अशी नाशिक संघावर मात देत प्रमोशन फेरीत दुसरा विजय मिळवला. तर नाशिक संघाला तिसऱ्या पराभवाला सामोरे जावे लागले. भूषण तपकीरच्या चपळ चढायानी पुणे संघाला विजय मिळवणे सोपे झाले. योगेश अक्षुमनी ने बचावफळी सांभाळली. अहमदनगर पेरियार पँथर्स संघाने 48-25 असा कोल्हापूर संघावर विजय मिळवत स्पर्धेतील 9 वा तर प्रमोशन फेरीतील तिसरा विजय मिळवला. प्रफुल झवारे ने सुपर टेन पूर्ण केला. तर पकडीत अजित पवार ने 7 पकडी केल्या.

आजच्या शेवटच्या सामन्यात मुंबई उपनगर मुर्थाल मॅग्नेट्स संघाने ठाणे हम्पी हिरोज संघाचा 42-23 असा पराभव करत प्रमोशन फेरीत पहिला विजय मिळवला. आकाश रुडेलेच्या सुपर टेन कामगिरी ने व रजत सिंगच्या चपळ चढयानी सामना एकतर्फी केला. आदित्य गजमल व रुतिक कांबळी यांनी प्रत्येकी 4 पकडी केल्या. (Ahmednagar Periyar Panthers continued to perform well in the promotion round as well)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
पुणे पलानी टस्कर्स संघाचा प्रमोशन फेरीत दुसरा विजय
प्रमोशन फेरीत मुंबई उपनगर मुर्थाल मॅग्नेट्स संघानं उघडलं विजयाचं खातं