भारतीय कसोटी संघाचा उपकर्णधार अजिंक्य रहाणे याला आंतरराष्ट्रीय क्रिकेटमधील सर्वात सभ्य खेळाडू का म्हणतात, याचा प्रत्यय मंगळवारी (८ डिसेंबर) पुन्हा आला. भारत अ विरुद्ध ऑस्ट्रेलिया अ यांच्यादरम्यान झालेल्या सराव सामन्यात रहाणेने असे काही कृत्य केले की, ज्यामुळे त्याने असंख्य क्रिकेट चाहत्यांचे मने जिंकली.
पुकोवस्की झाला जखमी
भारत अ आणि ऑस्ट्रेलिया अ यांच्यादरम्यान सिडनी येथील ड्रूमन ओव्हलवर तीनदिवसीय सराव सामना खेळवला गेला. सामन्याच्या तिसऱ्या आणि अखेरच्या दिवशी दिवशी ऑस्ट्रेलिया संघ सामन्यात दुसऱ्यांदा फलंदाजी करत होता. ऑस्ट्रेलियाचा सलामीवीर विल पुकोवस्की हा फलंदाजी करत असताना भारताचा युवा वेगवान गोलंदाज कार्तिक त्यागी गोलंदाजीसाठी आला.
ऑस्ट्रेलियाच्या डावातील तेराव्या षटकातील तिसरा चेंडू कार्तिकने टाकला. बाउंसर पद्धतीचा हा चेंडू अचानक उसळल्याने चेंडू पुकोवस्कीच्या हेल्मेटला लागला. त्याला या घटनेमुळे मैदान सोडावे लागले.
Fingers crossed for Will Pucovksi, who's retired hurt after this nasty blow to the helmet.
Live scores from #AUSAvIND: https://t.co/MfBZAvzAkr pic.twitter.com/pzEBTfipF2
— cricket.com.au (@cricketcomau) December 8, 2020
रहाणे गेला ऑस्ट्रेलियाच्या ड्रेसिंग रूममध्ये
तिसऱ्या दिवसाचा खेळ संपल्यानंतर, भारत अ संघाचा कर्णधार अजिंक्य रहाणेने माणुसकीचे दर्शन घडवले. भारताचे इतर खेळाडू ड्रेसिंग रूममध्ये जात असताना, रहाणे ऑस्ट्रेलियाच्या ड्रेसिंग रूममध्ये गेला. तेथे जाऊन त्याने, फलंदाजी दरम्यान जखमी झालेल्या पुकोवस्कीची विचारपूस केली. त्याच्या या कृतीचे अनेकांनी कौतुक केले.
Nice touch from @ajinkyarahane88. Walked up to the Australian dressing-room at the end of the day to get an update on Will Pucovski’s condition #AUSAvIND #AUSvIND pic.twitter.com/uLPGN3r7nf
— Bharat Sundaresan (@beastieboy07) December 8, 2020
अफगाणिस्तानविरुद्ध दाखवली होती खिलाडूवृत्ती
सन २०१८ मध्ये अफगाणिस्तान संघ आपला पहिला कसोटी सामना खेळताना, अजिंक्य रहाणे भारताचा कर्णधार होता. भारताने या सामन्यात एकतर्फी विजय मिळवला. मात्र, सामन्यानंतर त्याने अफगाणिस्तानच्या खेळाडूंनाही चषक उंचावण्यास सांगितले होते. त्याच्या या खिलाडूवृत्तीची त्यावेळीही भरपूर चर्चा झालेली.
महत्त्वाच्या बातम्या-
VIDEO: ऑस्ट्रेलियाच्या नवोदित अष्टपैलूचा दणका; शतकी खेळीनंतर ‘पृथ्वी शॉ’ला केले सापळा रचून बाद
रडणाऱ्या मुलाला वडील दाखवत होते भारत- ऑस्ट्रेलिया सामना, पाहा गमतीशीर व्हिडिओ
रडणाऱ्या मुलाला वडील दाखवत होते भारत- ऑस्ट्रेलिया सामना, पाहा गमतीशीर व्हिडिओ
ट्रेंडिंग लेख-
टॉप ३: २०२० मध्ये वनडेत सर्वोच्च वैयक्तिक खेळी करणारे भारतीय शिलेदार; अव्वलस्थानी ‘हा’ खेळाडू
भारताकडून २०२० मध्ये वनडे सामन्यात सर्वाधिक षटकार मारणारे ३ खेळाडू; पंड्या ‘या’ क्रमांकावर
आयपीएलमध्ये अवघ्या ६३ चेंडूत १२० धावा फटकावणारा पॉल वॉल्थटी आता आहे तरी कुठे?