पुणे। आबेदा इनामदार वरिष्ठ महाविद्यालयाच्या अथर्व काळेचे महाराष्ट्राच्या रणजी संघात निवड करण्यात आली असून नागोठाणे येथे होणाऱ्या झारखंड विरुद्धच्या लढतीत तो महाराष्ट्राचे प्रतिनिधित्व करणार असल्याची माहिती आझम स्पोर्ट्स अकादमीचे संचालक गुलजार शेख यांनी दिली.
अथर्वने बीसीसीआय यांच्या वतीने आयोजित करण्यात आलेल्या २३ वर्षांखालील मुलांच्या स्पर्धेत चमकदार कामगिरी बजावताना ७ लढतीमध्ये ३३४ धावा केल्या. त्यामुळे त्याची निवड महाराष्ट्र संघात करण्यात आली आहे.
तत्पूर्वी ३ ते ६ जानेवारी दरम्यान दिल्ली येथे सेनादल संघाविरुद्ध झालेल्या लढतीत त्याने महाराष्ट्राचे प्रतिनिधित्व केले. अथर्वला आयपीएल खेळाडू व प्रशिक्षक गणेश गायकवाड यांचे मार्गदर्शन लाभले.
अथर्वने केलेल्या चमकदार कामगिरीसाठी महाराष्ट्र कॉस्मोपॉलिटिन सोसायटीचे अध्यक्ष डॉ. पी. ए. इनामदार, उपाध्यक्षा आबेदा इनामदार, आबेदा इनामदार वरिष्ठ महाविद्यालयाच्या प्राचार्या शैला बुटवाला यांनी अभिनंदन करून पुढील वाटचालीसाठी शुभेच्छा दिल्या.