ऑस्ट्रेलियन अष्टपैलू मॅक्सवेल लवकरच बनणार ‘भारताचा जावई’, पाहा कोण आहे त्याची होणारी वधू?

भारतीय मुलीला हृदय देणाऱ्या क्रिकेटपटूंच्या यादीत सामील झालेला ऑस्ट्रेलियाचा स्फोटक अष्टपैलू ग्लेन मॅक्सवेल लवकरच भारताचा जावई होणार आहे. ग्लेन मॅक्सवेलने गेल्यावर्षी त्याची भारतीय वंशाची मैत्रीण विनी रमणसोबत भारतीय रीतिरिवाजानुसार साखरपुडा केला होता.

ग्लेन मॅक्सवेल आणि विनी रमन यांच्या साखरपुड्याला फक्त जवळचे मित्र आणि कुटुंब उपस्थित होते. यावेळी मॅक्सवेलने निळ्या रंगाची शेरवानी परिधान केली होती. विनी रमणने काळ्या रंगाचा लेहेंगा आणि ओढणी परिधान केली होती. या कपड्यांमध्ये ती प्रचंड सुंदर दिसत होती.

https://www.instagram.com/p/B9taXQkpEtc/?utm_source=ig_web_button_share_sheet

ग्लेन मॅक्सवेल आणि विनी रमन लवकरच लग्न करणार
ग्लेन मॅक्सवेल आणि विनी रमन लवकरच लग्न करणार असल्याची चर्चा आहे. त्यामुळे लवकरच स्टार अष्टपैलू ग्लेन मॅक्सवेल भारताचा जावई होणारा दुसरा ऑस्ट्रेलियन खेळाडू बनणार आहे.

मॅक्सवेल भारताचा जावई होणारा दुसरा ऑस्ट्रेलियन क्रिकेटपटू असेल
विनी रमनशी लग्न केल्यानंतर, मॅक्सवेल शॉन टेटनंतर भारतीय वंशाच्या मुलीशी लगीनगाठ बांधणारा दुसरा ऑस्ट्रेलियन क्रिकेटपटू होईल. यापूर्वी २०१४ मध्ये ऑस्ट्रेलियाचा माजी वेगवान गोलंदाज शॉन टेटने भारतीय वंशाच्या मासूम सिंघाशी लग्न केले होते. दोघे देखील आयपीएल पार्टी दरम्यान एकमेकांना भेटले आणि लग्नापूर्वी एकमेकांसोबत रिलेशनशिपमध्ये होते.

https://www.instagram.com/p/Btw55EclR9j/?utm_source=ig_web_button_share_sheet

मॅक्सवेलची गर्लफ्रेंड विनी रमन कोण आहे?
साल २०१७ पासून मॅक्सवेल आणि विनी रमन एकमेकांना डेट करत होते. मॅक्सवेल २०१९ च्या सुरुवातीला विनीला ऑस्ट्रेलियन क्रिकेट पुरस्कार सोहळ्यात घेऊन गेला होता. काही महिन्यांपूर्वीच हे दोघे युरोपला गेले होते. मूळ भारतीय असलेली विनी ऑस्ट्रेलियाच्या मेलबर्न शहरामध्ये राहते. तिच्या इंस्टाग्रामच्या प्रोफाईल वरून असे लक्षात येते की, विनी फार्मासिस्ट आहे.

महत्त्वाच्या बातम्या-

‘एकवेळ ४ आंतरराष्ट्रीय कर्णधार एकत्र खेळत होते,’ डू प्लेसिसने सांगितली सीएसकेची विशेषता

पुनरागमनाच्या प्रयत्नात असलेल्या विराट ब्रिगेडविरुद्ध ‘या’ योजनेसह उतरलाय इंग्लंड संघ

हेडिंग्ले कसोटी जिंकण्याची भारताला अजूनही संधी, ‘ही’ आकडेवारी देतेय टीम इंडियाला दिलासा