टी20 विश्वचषकासाठी बीसीसीआयचे सॅमसनवर दुर्लक्ष, मग विकेटकीपरने अशी पोस्ट करत…

पुढच्या महिन्यात होणाऱ्या टी20 विश्वचषक 2022 साठी बीसीसीआयने मंगळवारी (12 सप्टेंबर) 15 सदस्यीय भारतीय संघाची घोषणा केली आहे. 16 ऑक्टोबर ते 13 नोव्हेंबरदरम्यान ऑस्ट्रेलियात हा विश्वचषक खेळला जाणार आहे. टी20 विश्वचषकासाठी भारतीय संघात रिषभ पंत आणि दिनेश कार्तिक या दोन्ही यष्टीरक्षकांची निवड करण्यात आली आहे. मात्र तिसरा यष्टीरक्षक संजू सॅमसन याला संघात जागा मिळू शकलेली नाही. यानंतर सॅमसनने सोशल मीडियावर एक पोस्ट केली आहे. 

27 वर्षीय सॅमसन (Sanju Samson) भारताच्या प्रतिभाशाली यष्टीरक्षकांपैकी एक आहे. परंतु पंत (Rishabh Pant) आणि कार्तिकसारखे (Dinesh Karthik) अनुभवी यष्टीरक्षक संघात असल्याने सातत्याने त्याच्यावर दुर्लक्ष केले जाते. आगामी टी20 विश्वचषकासाठीही त्याच्यावर दुर्लक्ष करण्यात आले आहे. यानंतर सॅमसनने आपल्या फेसबुक अकाउंटवर आपला एक फोटो शेअर केला आहे, जो सोशल मीडियावर भरपूर व्हायरल होत आहे.

फोटोत सॅमसन खाली मान करून फोनमध्ये काहीतरी पाहताना दिसत आहे. त्याच्या या फोटोखाली कमेंट करत एका चाहत्याने लिहिले आहे की, ‘सॅमसन टी20 विश्वचषकासाठी (T20 World Cup 2022) निवडल्या गेलेल्या भारतीय संघात आपले नाव शोधत आहे.’

https://www.facebook.com/photo.php?fbid=655860105900033&set=a.279812596838121&type=3

दरम्यान 2015 साली आंतरराष्ट्रीय टी20 क्रिकेटमध्ये पदार्पण केल्यानंतरही सॅमसन एकदाही टी20 विश्वचषक खेळू शकलेला नाही. त्याने आतापर्यंत भारताकडून फक्त 16 टी20 सामने खेळले आहेत. यादरम्यान 21.14 च्या सरासरीने त्याने 296 धावा केल्या आहेत. यात त्याच्या एका अर्धशतकाचाही समावेश आहे.

दुसरीकडे दिनेश कार्तिकचा हा तिसरा टी20 विश्वचषक असेल. त्याने 2007, 2010 आणि आता 2022 टी20 विश्वचषकासाठी भारतीय संघात जागा मिळवली आहे. तर पंतचा हा 2021 नंतर दुसराच टी20 विश्वचषक असेल.

टी२० विश्वचषकासाठी अशी आहे १५ सदस्यीय भारतीय संघ- रोहित शर्मा (कर्णधार), केएल राहुल (उपकर्णधार), विराट कोहली, सुर्यकुमार यादव, दिपक हुडा, दिनेश कार्तिक, रिषभ पंत, हार्दिक पंड्या, युझवेंद्र चहल, अक्षर पटेल, जसप्रीत बुमराह, भुवनेश्वर कुमार, हर्षल पटेल, अर्शदीप सिंग आणि आर अश्विन.
स्टॅंडबाय- मोहम्मद शमी, श्रेयस अय्यर, रवी बिष्णोई आणि दिपक चहर.