BCCI Earnings: भारतीय क्रिकेट नियामक मंडळ अर्थात बीसीसीआय जगातील सर्वात श्रीमंत क्रिकेट बोर्डांपैकी एक आहे. बीसीसीआय आंतरराष्ट्रीय सामने खेळण्याव्यतिरिक्त इंडियन प्रीमियर लीग मधूनही भरपूर महसूल मिळवते. अलीकडे समोर आलेल्या माहितीनुसार, बीसीसीआयची 50 टक्क्यांहून अधिक कमाई आयपीएलमधूनच होते. बीसीसीआयने दिलेल्या माहितीनुसार, मागील आर्थिक वर्ष 2023-24 मध्ये बोर्डाने 9,741 कोटी रुपये कमावले. बोर्डाने गेल्या 2 वर्षांतच आपली कमाई सुमारे 5 हजार कोटी रुपयांनी वाढवली आहे. (BCCI earnings)
भारतीय क्रिकेट नियामक मंडळाकडे महसूल मिळवण्याचे अनेक मार्ग आहेत. बीसीसीआयकडे आयसीसीचे शेअर्सही आहेत, ज्यातून कोट्यवधी रुपये येतात. (ICC shares BCCI) तसेच आयपीएल आणि डब्ल्यूपीएलमधूनही मोठा नफा मिळतो. याशिवाय, सामन्यांच्या तिकीट विक्रीतून आणि व्यावसायिक अधिकारांमधूनही भरपूर कमाई होते. बीसीसीआयला जगातील सर्वात श्रीमंत क्रिकेट बोर्ड म्हटले जाऊ शकते.
मायखेलच्या रिपोर्टनुसार, बीसीसीआयने 2023-24 मध्ये आयपीएलमधून 5,761 कोटी रुपये कमावले. (IPL earnings)
भारतीय क्रिकेट नियामक मंडळाने आयसीसीच्या शेअर्समधून 1,042 कोटी रुपये कमावले.
बोर्डाने राखीव निधी आणि गुंतवणुकीतून 978 कोटी रुपये कमावले.
याशिवाय, डब्ल्यूपीएलमधूनही बीसीसीआयने 378 कोटी रुपये कमावले. (WPL earnings)
तिकीट विक्री आणि व्यावसायिक अधिकारांमधून बीसीसीआयने 361 कोटी रुपये कमावले.
भारतीय क्रिकेट नियामक मंडळाने 2023-24 मध्ये 9,741 कोटी रुपये कमावले आहेत, तर यापूर्वीच्या आर्थिक वर्ष 2022-23 मध्ये 6,820 कोटी रुपये कमावले होते. यावरून असे दिसून येते की बीसीसीआयने आर्थिक वर्ष 2023-24 मध्ये 2,921 कोटी रुपयांची अधिक कमाई केली आहे. तसेच 2021-22 मध्ये बीसीसीआयने 4,230 कोटी रुपये कमावले होते. पाहिले तर, बीसीसीआयने या 2 वर्षांत सुमारे 5 हजार कोटी रुपयांचा नफा कमावला आहे. (BCCI financial report)
