बॉर्डर-गावस्कर ट्रॉफी 2024 साठी संपूर्ण क्रिकेट विश्वात उत्सुकता वाढली आहे. भारत आणि ऑस्ट्रेलिया यांच्यातल्या पाच सामन्यांच्या या मालिकेला 22 नोव्हेंबरपासून सुरुवात होईल. विराट कोहली या मालकेद्वारे आपला गेलेला फॉर्म परत मिळवेल का? याची उत्सुकता क्रिकेटप्रेमींना लागली आहे. मालिका सुरू होण्यापूर्वी कोणते दिग्गज कॉमेंट्री करताना दिसतील?, हे या बातमीद्वारे जाणून घ्या.
22 नोव्हेंबरपासून पर्थ येथे मालिकेतील पहिली कसोटी खेळली जाणार आहे. त्यासाठी मॅथ्यू हेडन, रवी शास्त्री, सुनील गावस्कर, वसीम अक्रम, मुरली विजय, रसेल अरनॉल्ड आणि मार्क निकोल्स यांची इंग्लिश कॉमेंट्रीसाठी निवड करण्यात आली. तर हिंदी कॉमेंट्रीची जबाबदारी रवी शास्त्री, वसीम अक्रम, चेतेश्वर पुजारा, सुनील गावस्कर, संजय मांजरेकर, जतीन सप्रू आणि दीप दास गुप्ता यांच्यावर सोपवण्यात आली आहे.
इंग्लिश कमेंटेटर – मॅथ्यू हेडन, रवी शास्त्री, सुनील गावस्कर, वसीम अक्रम, मुरली विजय, रसेल अरनॉल्ड आणि मार्क निकोल्स
हिंदी कमेंटेटर – रवी शास्त्री, वसीम अक्रम, चेतेश्वर पुजारा, सुनील गावस्कर, संजय मांजरेकर, जतीन सप्रू आणि दीप दास गुप्ता
भारतीय संघ ऑस्ट्रेलियन भूमीवर कांगारूंविरुद्ध आतापर्यंत एकूण 52 सामने खेळला आहे. त्यापैकी टीम इंडियाला फक्त 9 वेळा विजय मिळवता आला, तर ऑस्ट्रेलियानं 30 सामने जिंकले आहेत. 13 सामने अनिर्णित राहिले. मात्र मनोरंजक बाब म्हणजे, ऑस्ट्रेलियाला आपल्या घरच्या मैदानावर खेळल्या गेलेल्या गेल्या 10 सामन्यांमध्ये केवळ दोनदाच भारताला हरवता आलंय. टीम इंडियानं चार वेळा विजय मिळवला, तर चार सामने अनिर्णित राहिले. टीम इंडियानं गेल्या चार बॉर्डर-गावसकर ट्रॉफी जिंकल्या, हे देखील सत्य आहे.
बॉर्डर-गावस्कर ट्रॉफीचे वेळापत्रक
पहिली कसोटी (पर्थ) : २२-२६ नोव्हेंबर
दुसरी कसोटी (ॲडलेड): ६-१० डिसेंबर
तिसरी कसोटी (ब्रिस्बेन): १४-१८ डिसेंबर
चौथी कसोटी (मेलबर्न): २६-३० डिसेंबर
पाचवी कसोटी (सिडनी) : ३-७ जानेवारी
हेही वाचा –
IND vs AUS: बुमराह आणि अश्विनला सुवर्ण संधी, कपिल देव-अनिल कुंबळेचा महान विक्रम धोक्यात
भारतीय संघाला मोहम्मद शमीची आवश्यकता नाही? दिग्गज खेळाडूने सांगितली रिप्लेसमेंट
पहिल्या कसोटीसाठी टीम इंडियाची प्लेइंग 11 ठरली! कर्णधारानं दिलं मोठं अपडेट