आयपीएलच्या तेराव्या हंगामातील सर्व संघ, बघा कोणत्या संघाची गोलंदाजी आहे सर्वात तगडी

क्रिकेटच्या कोणत्याही प्रकारात एका संघाला त्यांचा उत्कृष्ट फलंदाजी, गोलंदाजी आणि क्षेत्ररक्षण विभाग परिपूर्ण बनवतो. संघाचा फलंदाजी, गोलंदाजी किंवा क्षेत्ररक्षण या तिन्हीपैकी एकही विभाग जर कमजोर असेल, तर संघाच्या विजयात नेहमी अडथळे येतात.

इंडियन प्रीमियर लीगमधील (आयपीएल) संघांचे उदाहरण पाहायचे झाले तर, रॉयल चॅलेंजर्स बेंगलोर (आरसीबी) हा आयपीएलमधील एकमेव असा संघ आहे, जो एकदाही आयपीएल ट्रॉफी न जिंकता सर्वाधिकवेळा आयपीएलच्या अंतिम सामन्यामध्ये खेळला आहे. आरसीबी संघात दमदार प्रदर्शन करणारे धुरंधर फलंदाज आहेत. पण, त्यांच्याकडे उत्कृष्ट गोलंदाजांची उणीव आहे. कदाचित यामुळेच आरसीबीला एकदाही विजेतेपद पटकावण्यात यश आले नाही.

पण, यावर्षीच्या आरसीबी संघात काही दमदार गोलंदाजांची भरती झाली आहे. त्यामुळे त्यांच्या विजयाच्या अपेक्षा उंचावल्या आहेत. तसं तर, १९ सप्टेंबरपासून सुरु होणाऱ्या आयपीएलच्या तेराव्या हंगामातील सर्व संघांकडे एकापेक्षा एक दमदार गोलंदाज उपलब्ध असल्याचे दिसत आहे. या लेखात, यंदा आयपीएलच्या सर्व संघांपैकी कोणत्या संघाचे गोलंदाजी सर्वात मजबूत असेल, याची क्रमानुसार माहिती देण्यात आली आहे.

आयपीएल २०२०मधील सर्वात मजबूत गोलंदाजी आक्रमण असलेले संघ (Bowling Order According To The Ranking Of All Teams In IPL 2020) –

८. किंग्स इलेव्हन पंजाब (Kings XI Punjab) – 

आयपीएल २०२० खेळाडू लिलावात किंग्स इलेव्हन पंजाबने अनेक दमदार खेळाडूंना आपल्या संघात सामाविष्ट केले आहे. त्यामुळे यंदा हा संघ वेगळ्याच अंदाजात असल्याचे दिसत आहे. २०१४ साली आयपीएलच्या अंतिम सामन्यापर्यंत मजल मारलेल्या या संघाला कोलकाता नाईट रायडर्सने विजयाचा स्वाद चाखू दिला नाही. पण, आयपीएलच्या तेराव्या हंगामासाठी संघात खेळाडूंची निवड करताना संघाचे मुख्य प्रशिक्षक अनिल कुंबळे यांनी सर्व विभागांना लक्षात घेत संघ तयार केला आहे.

वेगवान गोलंदाजीबाबत बोलायचं झालं तर, संघात मोहम्मद शमी, क्रिस जॉर्डन, हार्डस विल्जोन, शेल्डन कॉट्रेल, ईशान पोरेल, अर्शदीप सिंग आणि जिम्मी नीशम हे दमदार गोलंदाज उपलब्ध आहेत. तर, फिरकी गोलंदाजी करण्यासाठी मुजीब उर रहमान, रवि बिश्नोई, जगदीस सुचित, हरप्रीत बरार, तेजिंदर सिंग, ग्लेन मॅक्सवेल, मुरगन अश्विन, कृष्णप्पा गौतम आणि दीपक हुडा हे गोलंदाज उपलब्ध आहेत.

७. राजस्थान रॉयल्स (Rajsthan Royals) –

आयपीएलच्या पहिल्याच हंगामात विजेतेपदावर आपली मोहर लावणारा संघ म्हणजे राजस्थान राजयल्स. पहिल्या हंगामातील दमदार विजयानंतर मात्र या संघाला जास्त चांगली कामगिरी करता आली नाही. त्यानंतर ते आयपीएलच्या एकाही हंगामात अंतिम सामन्यापर्यंत पोहोचू शकले नाहीत. पण, आयपीएलच्या तेराव्या हंगमात त्यांच्या संघाची गोलंदाजी फळी दमदार असल्याचे दिसत आहे.

संघात जोफ्रा आर्चर, ऍन्ड्रू टाय, ओशियन थॉमस, अंकित राजपूत, कार्तिक त्यागी आणि जयदेव उनाडकट हे दमदार वेगवान गोलंदाज उपलब्ध आहेत. तर, शशांक सिंग, अनिरुद्ध जोशी, रियान पराग, राहुल तेवटिया, मयंक मार्कंडेय, महीपाल लोमरार आणि श्रेयश गोपाल या दमदार फिरकीपटूंनी संघ भरलेला आहे. त्यामुळे संघ आयपीएऐल २०२०मध्ये शानदार प्रदर्शन करताना दिसेल.

ट्रेंडिंग लेख –