सध्या आयसीसी चॅम्पियन्स ट्राॅफी (ICC Champions Trophy 2025) सुरू आहे. तत्पूर्वी भारतीय संघाचा दिग्गज फलंदाज विराट कोहली (Virat Kohli) आपल्या खराब कामगिरीमुळे चर्चेत होता. पण त्याने सध्या सुरू असलेल्या चॅम्पियन्स ट्रॉफीमध्ये पाकिस्तानविरुद्धच्या सामन्यात शतक झळकावून त्याच्या टीकाकारांना चोख उत्तर दिले. दरम्यान आता वेस्ट इंडिजचा माजी विश्वचषक विजेता कर्णधार आणि दिग्गज क्रिकेटपटू व्हिव्ह रिचर्ड्सने (Viv Richards) कोहलीच्या खेळातील एक वैशिष्ट्य उघड केले आहे, जे तो आजच्या युगात खेळला असता तर तो स्वीकारेल.
कोहलीने आज (2 मार्च) न्यूझीलंडविरूद्ध त्याचा 300वा वनडे सामना खेळला, जो त्याच्यासाठी नवीनतम टप्पा आहे. वनडे क्रिकेटमध्ये 51 शतके झळकावणारा विराट कोहली हा जगातील पहिलाच खेळाडू आहे. त्याने 2023 मध्ये सचिन तेंडुलकरचा सर्वाधिक वनडे शतकांचा रेकाॅर्ड मोडला होता.
गेल्या आठवड्यात चॅम्पियन्स ट्रॉफीच्या दुसऱ्या साखळी सामन्यात विराटने पाकिस्तानविरुद्ध त्याचे 51वे वनडे शतक झळकावले. 2008 मध्ये श्रीलंकेविरुद्ध भारताकडून पदार्पण करणारा 36 वर्षीय उजव्या हाताचा फलंदाज विराट, तेंडुलकर आणि कुमार संगकारा यांच्यानंतर वनडे इतिहासात 14,000 पेक्षा जास्त धावा करणारा तिसरा फलंदाज ठरला.
इंटरनॅशनल मास्टर्स लीग गव्हर्निंग कौन्सिलचे सदस्य आणि वेस्ट इंडिजचे दिग्गज सर व्हिव्ह रिचर्ड्स यांनी एका व्हर्च्युअल पत्रकार परिषदेत सांगितले की, “मला वाटते की विराटची ऊर्जा खूप महत्त्वाची आहे आणि त्याची आवडही. या गोष्टी मी जपून ठेवतो. जेव्हा तुमच्याकडे एक संघ असतो आणि तुम्ही तुमच्या संघाचे रक्षण करू शकता, तेव्हा मला वाटते की आमच्यात ते सर्व विशेष गुण आहेत.”
पुढे बोलताना दिग्गज रिचर्ड्स म्हणाला, “पण फक्त ऊर्जा, त्याला सीमारेषेवर पाहून… तो खूप दूर आहे आणि लेग बिफोरसाठी एक अपील आहे आणि तो ओरडत आहे. तो आकर्षकही आहे. पण तो तुम्हाला नेहमीच खेळात त्याचा सहभाग दाखवत राहतो. त्यासाठी एक आवड आहे आणि असा एकही क्षण नाही जो विराट कोहलीने चुकवला असेल. तो त्या अर्थाने अद्भुत आहे.”
महत्त्वाच्या बातम्या-
भारत-न्यूझीलंड सामन्यादरम्यान तुटला शोएब अख्तरचा रेकाॅर्ड! हेन्रीने रचला इतिहास
आयसीसी स्पर्धांमध्ये भारताविरूद्ध चमकदार कामगिरी करणारे 3 गोलंदाज
पैशांची बरसात! रणजी ट्रॉफीच्या विजेत्या व उपविजेत्यांना मोठी बक्षीस रक्कम जाहीर
