भारतीय संघाचा स्टार फिरकी गोलंदाज रविचंद्रन अश्विनने आपल्या शाळेमध्ये घडलेला एक प्रसंग सोशल मीडियावर शेअर केलेला आहे. अश्विनने आपले शालेय शिक्षण पूर्ण केलेल्या पीएसबीबी शाळेतील एका शिक्षकाला लैंगिक छळाच्या आरोपाखाली अटक करण्यात आली आहे. रविचंद्रन अश्विनने या घटनेबद्दल तीव्र दुःख व्यक्त केले असून त्याने सोशल मीडियावर एक भावनिक मेसेज देखील शेयर केला आहे.
रविचंद्रन अश्विनने ट्विटरवर लिहिले की, “फक्त पीएसबीबीचा एक जुना विद्यार्थी म्हणूनच नव्हे तर दोन मुलींचा वडील म्हणूनही ही त्रासदायक रात्र आहे.शिक्षकाच्या अटकेचे प्रकरण जे समोर आले आहे, ते लक्षात घेता भविष्यात आपल्या भोवतालच्या अशा घटना रोखण्यासाठी आपण योग्य ती कारवाई केली पाहिजे. तसेच आता यंत्रणा पूर्णपणे बदलण्याची गरज आहे.”
अश्विनने पुढे लिहिले, ‘चेन्नई आणि आसपासच्या शाळांमधून, विशेषत: पीएसबीबी मधून पुढे येणाऱ्या अशा बातम्या ऐकून मला फार वाईट वाटले. मी तेथे शिकत असताना बर्‍याच वर्षांत अशा बातम्या कधीही ऐकल्या नाहीत. परंतु या बातमीमुळे मी अस्वस्थ आहे. या प्रकरणात कायदा आपले कार्य करेल हे मला माहित आहे, परंतु आता लोकांनी पुढे येऊन यंत्रणा बदलण्याची गरज आहे.”
Been a couple of disturbing nights, not only as an old student of PSBB but also as a father of 2 young girls.
Rajagopalan is one name that’s come out today, but to stop such incidences all around us in the future, we need to act and need a complete overhaul of the system.
🙏🙏 pic.twitter.com/JRKZ3QOgeM— Ashwin 🇮🇳 (@ashwinravi99) May 25, 2021
हे बघणे उत्सुकतेचे ठरेल की अश्विनच्या या ट्विट नंतर शालेय प्रशासन व तेथील पालकांकडून कशा प्रकारची भावना व्यक्त केली जाते. अश्विन हा नेहमीच भारतात घडणाऱ्या सामाजिक विषयांवर आपले मत मांडत असतो, व त्यामुळे त्याला वर्तमान क्रिकेट मधील एक आदर्श खेळाडू म्हणून मानले जाते. अश्विन आगामी काळात भारतीय संघासोबत इंग्लंडचा दौरा करणार आहे. या दौऱ्यात भारतीय संघ जागतिक कसोटी अजिंक्यपद स्पर्धा व इंग्लंड विरुद्ध पाच कसोटी सामन्यांची मालिका खेळणार आहे. शानदार फॉर्म मध्ये असलेल्या अश्विनकडून सर्व भारतीय क्रिकेटप्रेमींना इंग्लंड दौऱ्यात उत्तम कामगिरीची अपेक्षा असणार आहे.
महत्त्वाच्या बातम्या –
त्या ट्विटमुळे झिम्बाब्वेच्या क्रिकेटपटूची कारकीर्द धोक्यात? बोर्ड कारवाई करण्याची शक्यता
जेव्हा विराटला पत्नी अनुष्का म्हणाली होती, ए कोहली चौका मार ना.., व्हिडिओ होतोय व्हायरल
