‘बिचारा कुलदीप’, बागेश्वर बाबासोबत फिरकीपटूचा फोटो व्हायरल होताच चाहत्याची लक्षवेधी कमेंट

भारतीय फिरकी गोलंदाज कुलदीप यादव सध्या चर्चेचा विषय ठरत आहे. यामागील कारण म्हणजे, त्याने घेतलेली बाबा बागेश्वर धामची भेट. कुलदीपचा यादरम्यानचा एक फोटो सोशल मीडियावर तुफान व्हायरल होत आहे. खरं तर, या ठिकाणी पोहोचल्यानंतर कुलदीपने धीरेंद्र शास्त्री याचा आशीर्वादही घेतला. अशात त्याचा बागेश्वर धाममध्ये धीरेंद्र शास्त्रीसोबतचा फोटो सर्वांच्या भुवया उंचावताना दिसत आहे. याव्यतिरिक्त नेटकरी सोशल मीडियावर व्हायरल होत असलेल्या या पोस्टबद्दल वेगवेगळ्या प्रतिक्रिया मांडत आहेत.

धीरेंद्र शास्त्रीसोबत कुलदीपचा फोटो व्हायरल
बाबा बागेश्वर धाम (Baba Bageshwar Dham) येथे पोहोचल्यानंतर कुलदीप यादव (Kuldeep Yadav) याचा धीरेंद्र शास्त्री (Dhirendra Shastri) याच्यासोबतचा एक फोटो व्हायरल झाला. हा फोटो बागेश्वरधाम सरकार या ट्विटर अकाऊंटवरून शेअर करण्यात आला. हा फोटो शेअर करत कॅप्शनमध्ये लिहिले की, “भारतीय क्रिकेटचा फिरकी जादूगार आणि पूज्य सरकारचा प्रिय कुलदीप यादव धाम येथे पोहोचला. त्याने पूज्य सरकारचा वाढदिवस साजरा केला. तसेच, पूज्य सरकारचा आशीर्वादही घेतला.”

भारतीय क्रिकेट के स्पिन जादूगर और पूज्य सरकार के प्रिय लाड़ले कुलदीप यादव धाम पधारे पूज्य सरकार का जन्मोत्सव मनाया साथ ही पूज्य सरकार का आशीर्वाद लिया… pic.twitter.com/ErAKnBV8fa

— Bageshwar Dham Sarkar (Official) (@bageshwardham) July 6, 2023

असे म्हटले जात आहे की, कुलदीप यादव याने वेस्ट इंडिज दौऱ्यासाठी रवाना होण्यापूर्वी बागेश्वर धाममध्ये धीरेंद्र शास्त्री याचा आशीर्वाद घेतला. आता सोशल मीडियावर धीरेंद्र शास्त्रीसोबतचे कुलदीपचे फोटो चर्चेचा विषय ठरत आहे. एका युजरने कमेंट करत लिहिले की, “बिचारा कुलदीप.” दुसऱ्या एकाने लिहिले की, “आता कुलदीप जगातील एक नंबरचा गोलंदाज बनेल. बघा बघा.” आणखी एकाने कमेंट करत लिहिले की, “आता तर हॅट्रिकवर हॅट्रिक घेईल.”

कुलदीपची कारकीर्द
कुलदीप यादव याच्या कारकीर्दीविषयी बोलायचं झालं, तर त्याने भारतीय संघाकडून आतापर्यंत 8 कसोटी सामने खेळले आहेत. तसेच, 81 वनडे आणि 28 टी20 सामने खेळले आहेत. कसोटीत त्याने 3.43च्या इकॉनॉमी रेटने 34 विकेट्स घेतल्या आहेत. तसेच, वनडेत त्याने 5.21च्या इकॉनॉमी रेटने 134 विकेट्स घेतल्या आहेत, तर टी20त त्याने 6.76च्या इकॉनॉमी रेटने 46 विकेट्स घेतल्या आहेत. याव्यतिरिक्त कुलदीपने 73 आयपीएल सामने खेळताना 71 डावात 8.13च्या इकॉनॉमी रेटने 71 विकेट्स घेतल्या आहेत. (cricketer kuldeep yadav at baba bageshwar dham dhirendra shastri ind vs wi)

महत्वाच्या बातम्या-
स्मिथच्या 100व्या कसोटीत मोईन अलीचे अनोखे द्विशतक, दिग्गजाची विकेट काढत घडवला इतिहास
निसांकाची विंडीजविरुद्ध विक्रमी सेंच्युरी! बनला कमी वनडे डावांत सर्वाधिक शतके ठोकणारा दुसरा श्रीलंकन