व्हॅलेंटाईनच्या दिवशी शुबमनने शेअर केला साराने हजेरी लावलेल्या कॅफेतील फोटो, नक्की भानगड काय?

सोशल मीडियाच्या जगात नेटकरी दोन व्यक्तींमध्ये काही नाते नसले, तरीही त्यांचे नाव एकमेकांसोबत जोडतात. त्यामुळे त्यानंतर जे काही घडतं, त्या सर्वांचा सामना व्यक्तींना करावा लागतो. असेच काहीसे भारतीय युवा फलंदाज शुबमन गिल याच्यासोबत घडताना दिसत आहे. गिल हा त्याच्या व्यावसायिक आयुष्याव्यतिरिक्त वैयक्तिक आयुष्यामुळेही भलताच चर्चेत असतो. त्याची आणि त्याच्या गर्लफ्रेंडबाबत वेगवेगळ्या चर्चा सुरू आहेत. अशात ‘व्हॅलेंटाईन डे’ला गिलने एक फोटो शेअर केला आहे. त्यावरूनही चांगलीच चर्चा रंगली आहे. चला काय आहे प्रकरण जाणून घेऊयात…

शुबमन गिल इंस्टाग्राम पोस्ट
शुबमन गिल (Shubman Gill) याने एका रेस्टॉरंट किंवा कॅफेमध्ये बसल्याचा फोटो शेअर केला आहे. त्याच्या हातात कपही दिसत आहे. हा फोटो शेअर करत त्याने “आज कोणता दिवस आहे?” असे प्रश्नार्थक कॅप्शन दिले आहे.

https://www.instagram.com/p/CopCo_jJW_O/

त्याच्या या पोस्टला 3 तासांच्या आतच 4 लाखांहून अधिक लाईक्स आणि 3 हजारांहून अधिक कमेंट्सचा पाऊस पडला आहे. या फोटोवर एका नेटकऱ्याने कमेंट करत लिहिले की, “कोणत्या साराने फोटो क्लिक केला आहे?” दुसऱ्या एकाने विचारले की, “खान की तेंडुलकर?”

योगायोग की आणखी काही?
जवळपास दोन वर्षांपूर्वी म्हणजेच 5 जुलै, 2021मध्ये सारा तेंडुलकर (Sara Tendulkar) हिने तिच्या अधिकृत इंस्टाग्राम अकाऊंटवर एक फोटो पोस्ट केला होता. हा फोटो शेअर करत तिने कॅप्शनमध्ये लिहिले होते की, “हे सिरी, माझे जेवण कुठे आहे?”

https://www.instagram.com/p/CQ86bUhrv1v/?utm_source=ig_embed&utm_campaign=loading

विशेष म्हणजे, दोघांच्या फोटोतील बॅकग्राऊंडवरून असे समजते की, हा फोटो एकाच दिवशी घेण्यात आला आहे. सोशल मीडियावर चाहतेही या फोटोवर कमेंट करत आहेत. एका युजरने लिहिले की, “सारा तेंडुलकरच्या फोटोसारखे बॅकग्राऊंड.” दुसऱ्या एकाने लिहिले की, “मागे डाव्या बाजूला असणारी मुलगी सारखीच आहे मित्रांनो.”

सारा अली खानसोबतही जोडले जातंय नाव
मागील काही काळापासून शुबमन गिल याचे नाव बॉलिवूड अभिनेत्री सारा अली खान (Sara Ali Khan) हिच्यासोबतही जोडले जात आहे. दोघांचेही अनेक फोटो व्हायरल होत आहेत. काही काळापूर्वी गिल आणि साराचे नाव जोडले जात होते. 2020मध्ये गिल आणि साराने एकसारखेच कॅप्शन देत फोटो पोस्ट केले होते. तेव्हापासून सोशल मीडियावर दोघांच्याही नात्याविषयी चर्चांना उधाण आले होते.

दिल्ली कसोटीसाठी तयारी करतोय गिल
शुबमन गिल हा सध्या भारतीय संघासोबत आहे. येत्या 17 फेब्रुवारीपासून भारत विरुद्ध ऑस्ट्रेलिया (India vs Australia) संघात कसोटी मालिकेतील दुसरा कसोटी सामना दिल्ली येथे खेळला जाणार आहे. गिलला पहिल्या कसोटीत संधी मिळाली नव्हती. मागील 2-3महिन्यांपासून गिल चांगल्या लयीत आहे. त्याने बांगलादेश कसोटीत शतक झळकावल्यानंतर वनडेत द्विशतक आणि आंतरराष्ट्रीय टी20 क्रिकेटमध्येही शतक ठोकले आहे.

अशात गिलला दिल्ली कसोटीत संधी मिळते की नाही, हे पाहणे महत्त्वाचे ठरणार आहे. (cricketer shubman gill post photo of same restaurant where sara tendulkar posted same background see here)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
मोठी बातमी! महिला प्रीमिअर लीगच्या पहिल्या हंगामाचे वेळापत्रक जाहीर, एका क्लिकवर घ्या जाणून
ब्रेकिंग! भारतीय वाघ दुखापतीतून सावरला, दिल्ली काबीज करण्यासाठी श्रेयस अय्यरचे टीम इंडियात पुनरागमन