आंतरराष्ट्रीय सायकलीस्ट पुजा दानाेळे आणि संज्ञा पाटीलने आपला दबदबा कायम ठेवताना पाचव्या सत्रातील खेलाे इंडिया युथ गेम्समध्ये पदकांचा डबल धमाका उडवला. सुवर्णपदक विजेत्या पुजाने शुक्रवारी महिलांच्या २ किमी वैयक्तिक परसुटमध्ये राैप्यपदक पटकावले. यासह तिने यंदाच्या स्पर्धेत दुसरे पदक जिंकले. तसेच राैप्यपदक विजेत्या संज्ञाने स्प्रिंट प्रकारात राैप्यपदकाचा बहुमान पटकावला. यासह तिच्या नावे सलग दुसऱ्या राैप्यपदकाची नाेंद झाली. यादरम्यान विवान सप्रु हा पुरुषांच्या ३ किमी वैयक्तिक परसुटमध्ये राैप्यपदकाचा मानकरी ठरला. महाराष्ट्राचे हे तिन्ही सायकलिस्ट दिल्लीच्या वेलाेड्रॅमवर पदकाचे मानकरी ठरले आहेत. मुख्य प्रशिक्षक दिपाली पाटील यांच्या मार्गदर्शनाखाली त्यांनी पदकांचा बहुमान मिळवला.
(Khelo India Cyclist Puja, Sanjha’s medal double bang, cycling team get 3 silvers on day two)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
ईशा जाधवच्या सुवर्णपदकासह महाराष्ट्राचा ॲथलेटिक्स मध्ये पदकांचा चौकार
महाराष्ट्र पुरुष खो-खो संघ सलग पाचव्यांदा चॅम्पियन, हाराकिरी करणाऱ्या दिल्ली संघाला चारली धूळ
