Delhi Government On Olympics 2028: दिल्ली सरकारने ऑलिम्पिक आणि पॅरालिम्पिकला घेऊन एक मोठा निर्णय घेतला आहे. दिल्लीच्या मुख्यमंत्री रेखा गुप्ता यांच्या सरकारने ऑलिम्पिक आणि पॅरालिम्पिक विजेत्यांना दिल्या जाणाऱ्या बक्षीस रकमेत वाढ केली आहे. (Rekha Gupta Delhi CM) दिल्ली सरकारमधील मंत्री आशिष सूद यांनी मंगळवारी, (22 जुलै) रोजी ही माहिती दिली. पीटीआयच्या रिपोर्टनुसार, सुवर्ण, रौप्य आणि कांस्यपदक विजेत्यांना नोकरी देण्याचीही घोषणा करण्यात आली आहे.
दिल्लीच्या मुख्यमंत्री रेखा गुप्ता यांच्या अध्यक्षतेखाली झालेल्या मंत्रिमंडळ बैठकीत हा मोठा निर्णय घेण्यात आला. पीटीआयनुसार, आशिष सूद यांनी सांगितले की, मुख्यमंत्री खेल प्रोत्साहन योजनेअंतर्गत (Chief Minister Sports Promotion Scheme) ऑलिम्पिक आणि पॅरालिम्पिकमध्ये सुवर्णपदक जिंकणाऱ्या खेळाडूला 7 कोटी रुपये, रौप्यपदक मिळवणाऱ्या खेळाडूला 5 कोटी रुपये आणि कांस्यपदक जिंकणाऱ्या खेळाडूला 3 कोटी रुपये दिले जातील. खेळांना प्रोत्साहन देण्यासाठी हा निर्णय घेण्यात आल्याचे आशिष सूद यांनी सांगितले. (Olympic Gold Medal Winner 7 Crore)
मुख्यमंत्री रेखा गुप्ता यांच्या सरकारच्या या घोषणेपूर्वी ऑलिम्पिक आणि पॅरालिम्पिकमध्ये सुवर्णपदक विजेत्याला 3 कोटी रुपये, रौप्यपदक विजेत्याला 2 कोटी रुपये आणि कांस्यपदक विजेत्याला 1 कोटी रुपये मिळत होते. (Paralympics Winners Prize Money)
दिल्ली सरकारमधील मंत्री आशिष सूद यांनी ही देखील माहिती दिली आहे की, ऑलिम्पिक आणि पॅरालिम्पिकमध्ये सुवर्ण आणि रौप्य पदक विजेत्यांना ‘ग्रुप-ए’ श्रेणीमध्ये नोकरी दिली जाईल. तर कांस्यपदक जिंकणाऱ्या खेळाडूंना ‘ग्रुप-बी’ श्रेणीत नोकरी दिली जाईल. (Ashish Sood Announcement)
भारताने आतापर्यंत 25 ऑलिम्पिकमध्ये भाग घेतला आहे, ज्यात 41 पदके देशाच्या खात्यात जमा झाली आहेत. भारताने 1900 मध्ये पहिल्यांदा ऑलिम्पिकमध्ये भाग घेतला होता, तेव्हा भारताने 2 रौप्य पदके जिंकली होती. भारताने टोकियो ऑलिम्पिकमध्ये आतापर्यंत सर्वाधिक 7 पदके जिंकली आहेत. तर पॅरिस ऑलिम्पिक 2024 मध्ये भारताने 6 पदके जिंकली, ज्यात 1 रौप्य आणि 5 कांस्य पदकांचा समावेश आहे. भारतासाठी नीरज चोप्राने टोकियो ऑलिम्पिकमध्ये सुवर्णपदक जिंकले आहे. (India Olympic Medals)
