सध्या काही भारतीय कुस्तीपटू दिल्ली येथील जंतर मंतर येथे सामूहिक उपोषणास बसले आहेत. भारतीय कुस्ती महासंघाचे अध्यक्ष खासदार बृजभूषण सिंग यांच्यावर काही महिला खेळाडूंनी लैंगिक शोषणाचे आरोप केले होते. त्यासंबंधी दिल्ली पोलिसात तक्रार दाखल केली असतानाही, एफआयआर नोंद केली नव्हती. एफआयआर दाखल करून घेण्यासाठी सहा दिवसांचा विलंब झाल्यानंतर आता थेट सुप्रीम कोर्टाने हस्तक्षेप करत, दिल्ली पोलिसांना गुन्हा नोंद करण्याचे आदेश दिले आहेत.
सुप्रीम कोर्टात शुक्रवारी (28 एप्रिल) या प्रकरणावर सुनावणी पार पडली. खेळाडूंच्या वतीने ज्येष्ठविधीज्ञ कपिल सिबल यांनी बाजू मांडली. बृजभूषण यांच्यावर विविध प्रकारचे गुन्हे नोंद असल्याने खेळाडूंना संरक्षण देण्यात यावे अशी मागणी त्यांनी केली. सरन्यायाधीश चंद्रचूड यांनी याबाबत दिल्ली पोलिसांना गुन्हा दाखल करण्याचे आदेश दिले. तसेच, आरोप करणाऱ्या अल्पवयीन खेळाडूंना संरक्षण देण्यास सांगितले. तसेच, पुढील आठवडाभरात काय घडले याबाबतचा अहवाल आपण घेणार असल्याचे त्यांनी नमूद केले.
या आंदोलनाचे नेतृत्व ऑलिम्पिक पदक विजेते बजरंग पुनिया, साक्षी मलिक व राष्ट्रकुल विजेते विनेश फोगट हे करत आहेत. तब्बल नऊ मुलींचे सिंग यांनी लैंगिक शोषण केल्याचा आरोप त्यांच्यावर ठेवण्यात आला. तसेच सिंग हे मनमानी कारभार करत असल्याचे देखील त्यांनी म्हटले. जानेवारी महिन्यात याच कुस्तीपटूंनी दिल्ली येथील जंतर मंतर या ठिकाणी आंदोलन केले होते.
सध्या देशामध्ये या खेळाडूंना पाठिंबा मोठ्या प्रमाणावर मिळत आहे. विविध क्षेत्रातील मान्यवर खेळाडूंना न्याय मिळावा म्हणून सोशल मीडियावर व्यक्त होतायेत. वैयक्तिक ऑलिम्पिक सुवर्णपदक मिळवून देणारे अभिनव बिंद्रा व नीरज चोप्रा यांनी या खेळाडूंना जाहीर पाठिंबा दिलेला आहे.
(Delhi Police informed the Supreme Court on Friday that it will file an FIR against Wrestling Federation of India president and BJP MP Brij Bhushan Sharan Singh)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
‘संजूने अनुभवी कर्णधारावर…’, राजस्थानच्या विजयानंतर भारतीय दिग्गजाच्या विधानाने खळबळ; वाचाच
जुनं ते सोनं! लिलावात दाखवला नाही भाव, पण विश्वास टाकणाऱ्या संघांसाठी चमकले ‘हे’ दिग्गज, यादी पाहाच
