एकाच खेळीत कॉनवेने रचलेत विक्रमांचे इमले; धवनचा मोठा पराक्रमही जमीनदोस्त

इंग्लंडविरुद्ध पदार्पणाच्या कसोटी सामन्यात न्यूझीलंडचा सलामीवीर डेवॉन कॉनवेने अनेक विक्रम केले. पदार्पण कसोटीत डावखुरा फलंदाजांमध्ये तो सर्वाधिक धावा करणारा तिसरा खेळाडू ठरला. या आकडेवारीत त्याने भारताच्या शिखर धवन याला मागे टाकले. २०१३ मध्ये ऑस्ट्रेलियाविरुद्धच्या पहिल्या कसोटी सामन्यात धवनने १८७ धावा केल्या होत्या.

पदार्पणाच्या कसोटीत डावखुर्या फलंदाजांमध्ये सर्वाधिक धावा करण्याचा विक्रम दक्षिण आफ्रिकेच्या जॅक रुडोल्फच्या नावावर आहे. त्याने २०३ मध्ये बांगलादेशविरूद्ध नाबाद २२२ धावा केल्या होत्या. या यादीत वेस्ट इंडीजचा काइल मायर्स दुसर्‍या क्रमांकावर आहे. त्याने याच वर्षी बांगलादेशविरुद्ध कसोटी पदार्पण करताना नाबाद २१० धावा केल्या होत्या.

कॉनवे हा जगातील सातवा आणि न्यूझीलंडचा दुसरा असा फलंदाज आहे, ज्याने कसोटी क्रिकेटच्या १४४ वर्षांच्या इतिहासात पदार्पणात दुहेरी शतक झळकावले. यासह त्याने १२५ वर्ष जुना विक्रमही मोडला. लॉर्ड्स येथे पदार्पणात कसोटी सामन्यात द्विशतक झळकावणारा कॉनवे पहिला फलंदाज ठरला.

यापूर्वी, के एस रणजित सिंग यांनी इंग्लंड संघाकडून खेळताना ऑस्ट्रेलियाविरुद्ध १८९६ मध्ये ऑस्ट्रेलियाविरुद्ध पदार्पण कसोटी सामन्यात १५४ धावा केल्या होत्या. त्याच वेळी, १८८० मध्ये इंग्लंडच्या विल्यम्स ग्रेस यांनी ऑस्ट्रेलियाविरुद्धच्या पदार्पण कसोटी सामन्यात १५२ धावा ठोकलेल्या.