पुणे। पीवायसी हिंदू जिमखाना क्लब आयोजित सातव्या पीवायसी-पुसाळकर सु-रक-क्षा कंपोनंट्स पीवायसी प्रीमियर लीग क्रिकेट 2019 स्पर्धेत उपांत्य फेरीत डॉल्फिन्स, स्कायलार्कस या संघांनी आपापल्या प्रतिस्पर्धी संघांचा पराभव करून अंतिम फेरीत प्रवेश केला.
पीवायसी हिंदू जिमखाना क्लबच्या मैदानावर सुरु असलेल्या या स्पर्धेत पहिल्या उपांत्य फेरीच्या सामन्यात सुधांशू मेडसीकरच्या नाबाद 32 धावांच्या जोरावर डॉल्फिन्स संघाने टस्कर्स संघाचा 6गडी राखून पराभव करत दिमाखात अंतिम फेरी गाठली. प्रथम फलंदाजी करताना अंजनेया साठे 19, श्रीनिवास चाफळकर 15(17), हर्षल गंद्रे 11 यांनी केलेल्या धावांच्या जोरावर टस्कर्स संघाने 6षटकात 4बाद 51धावा केल्या. डॉल्फिन्सकडून अभिजित मुनोत 2-10, आशय कश्यप 1-3)यांनी सुरेख गोलंदाजी केली. याच्या उत्तरात डॉल्फिन्स संघाने 4.4षटकात 2बाद 52धावा करून हे आव्हान पूर्ण केले. सलामीचे फलंदाज रोहन छाजेड(3धावा) व आश्विन शहा(5धावा) हे झटपट बाद झाल्यानंतर सुधांशू मेडसीकरने एकाबाजूने लढताना 11चेंडूत 1चौकार व 4षटकारांच्या मदतीने नाबाद 32 धावा करून संघाच्या विजयात मोलाचा वाटा उचलला. सुधांशूला आशय कश्यपने नाबाद 18 धावा करून सुरेख साथ दिली.
दुसऱ्या सामन्यात अंकुश जाधव(25धावा व 1-15)याने केलेल्या अष्टपैलू कामगिरीच्या जोरावर स्कायलार्कस संघाने पँथर्स संघाचा 11धावांनी पराभव करून अंतिम फेरीत धडक मारली.पहिल्यांदा खेळताना स्कायलार्कस संघाने 6षटकात 4बाद 64धावा केल्या. यात अंकुश जाधव 25(14,1×4,2×6), गौरव सावगावकर नाबाद 24(12,1×4,2×6)यांनी संघाच्या डावाला आकार दिला. या आव्हानाचा पाठलाग करताना स्कायलार्कसच्या करण बापट 1-9, गौरव भगत 1-4, आशिष राठी 1-7, अंकुश जाधव 1-15 यांनी केलेल्या शिस्तबद्ध गोलंदाजीपुढे पँथर्स संघाला 6षटकात 4बाद 53धावाच करता आल्या.यात कर्णा मेहता 16, प्रेरीत गोयल 15 यांची खेळी अपूरी ठरली.
स्पर्धेचा सविस्तर निकाल: उपांत्य फेरी:
टस्कर्स: 6षटकात 4बाद 51धावा(अंजनेया साठे 19(11,3×4), श्रीनिवास चाफळकर 15(17), हर्षल गंद्रे 11, अभिजित मुनोत 2-10, आशय कश्यप 1-3)पराभूत वि.डॉल्फिन्स: 4.4षटकात 2बाद 52धावा(सुधांशू मेडसीकर नाबाद 32(11,1×4,4×6), आशय कश्यप नाबाद 18(11,1×4), सोहन गांगल 2-2);सामनावीर-सुधांशू मेडसीकर;
स्कायलार्कस: 6षटकात 4बाद 64धावा(अंकुश जाधव 25(14,1×4,2×6), गौरव सावगावकर नाबाद 24(12,1×4,2×6), आर्यन देसाई 1-5, रोहित भालेराव 1-8, अनुज मेहता 1-7, आशिष देसाई 1-18)वि.वि.पँथर्स: 6षटकात 4बाद 53धावा(कर्णा मेहता 16, प्रेरीत गोयल 15, करण बापट 1-9, गौरव भगत 1-4, आशिष राठी 1-7, अंकुश जाधव 1-15);सामनावीर-अंकुश जाधव;
उपांत्यपूर्व फेरी:
टस्कर्स: 6षटकात 2बाद 75धावा(श्रीनिवास चाफळकर 49(19,6×4,3×6), हर्षल गंद्रे 19(11), अभिषेक ताम्हाणे 1-9, ईशान तळवळकर 1-12)वि.वि.टायगर्स: 6षटकात 3बाद 66धावा(शार्दुल वाळींबे नाबाद 19, अमित कुलकर्णी 18, विश्वेश कटक्कर नाबाद 11, सोहन अनगळ 1-7, हर्षल गंद्रे 1-4, श्रीनिवास चाफळकर 1-14);सामनावीर-श्रीनिवास चाफळकर;
स्कॅवेंजर्स: 6षटकात 4बाद 40धावा(सुमेध शहा 16, अनुज मेहता 2-3, रोहित भालेराव 1-5, आशिष देसाई 1-9)पराभूत वि.पँथर्स: 5.2षटकात 2बाद 42धावा(आशिष देसाई नाबाद 26(18,1×4,2×6), नचिकेत जोशी 1-12, मिलिंद शालगर 1-10);सामनावीर-आशिष देसाई.