लॉर्ड्स कसोटीतील बहुमुल्य योगदानानंतर रहाणेची कुटुंबासोबत मजा-मस्ती, तुम्हीही पाहा

दुसऱ्या कसोटी सामन्यातील ६१ धावांच्या खेळीनंतर अजिंक्यने त्या अनुषंगाने एक इंस्टाग्राम पोस्ट केली होती. या पोस्टमध्ये त्याने कॅप्शनमध्ये लिहिले होते की, “माझी प्रतिक्रिया अशी असते जेव्हा ट्रोलर्स स्वत: ट्रोल होतात.” या पोस्टमध्ये त्याने निळ्या रंगाचे जॅकेट घातलेले होते. फोटोत त्याच्या चेहऱ्यावर एकप्रकारचा आत्मविश्वास दिसत होता. रहाणेने त्याच्या लाॅर्ड्सवरील दुसऱ्या कसोटी सामन्यातील प्रदर्शनानंतर पुन्हा फाॅर्मात आल्याचे संकेत दिले आहेत.

दुसऱ्या कसोटी सामन्यात भारतीय संघ १५१ धावांनी विजयी झाला. या सामन्यात एकवेळ अशी आली होती, जेव्हा भारतीय संघ पराजयाच्या वाटेवर होता. संघाच्या या कठीण वेळी अजिंक्य रहाणे आणि चेतेश्वर पुजाराने शतकी भागिदारी करत संघाला मजबुती दिली होती. त्यांची ही खेळी संघाच्या विजयात महत्वपूर्ण ठरली.