आंतरराष्ट्रीय क्रिकेटमध्ये भारताचा महान फलंदाज सचिन तेंडुलकरनं त्चाच्या नावावर अनेक मोठे रेकाॅर्ड्स रचले. सचिननं आंतरराष्ट्रीय क्रिकेटमध्ये शंभर शतक झळकावण्याचा महान रेकाॅर्ड देखील त्याच्या नावावर केला आहे. तेंडुलकरला क्रिकेटचा देव म्हणूनही ओळखले जाते. पण एक खेळाडू ज्याची तुलना सचिनशी केली जाते तो म्हणजे विराट कोहली. तत्पूर्वी इंग्लंडचा जो रूट कसोटीमध्ये महान सचिन तेंडुलकरचं (Sachin Tendulkar) रेकाॅर्ड मोडीत काढण्याच्या तयारीत आहे.
कसोटी क्रिकेटच्या चौथ्या डावात सर्वाधिक धावा करणाऱ्या फलंदाजांच्या यादीत जो रूट (Joe Root) टॉप-5 मध्ये आला आहे. त्यानं भारताचा माजी खेळाडू राहुल द्रविडला (Rahul Dravid) मागे टाकलं आहे. द्रविडनं कसोटी कारकिर्दीतील चौथ्या डावात एकूण 1,575 धावा केल्या होत्या. चौथ्या डावात शिवनारायण चंद्रपॉलच्या नावावर 1,580 धावा आहेत. रूट दोन्ही खेळाडूंच्या पुढे गेला आहे. त्यानं आतापर्यंत कसोटीच्या चौथ्या डावात 1,589 धावा केल्या असून तो सध्या चौथ्या स्थानी आहे.
रूट कसोटीमध्ये उत्कृष्ट कामगिरी करत आहे. द्रविडला मागे टाकल्यानंतर त्यानं सचिनच्या रेकाॅर्डवर आपलं लक्ष्य केंद्रीत केलं आहे. मात्र, सचिनच्या रेकाॅर्डपर्यंत पोहोचण्यासाठी रूटला आणखी धमाकेदार कामगिरी करावी लागणार आहे. सचिनने कसोटीच्या चौथ्या डावात सर्वाधिक 1,625 धावा केल्या होत्या. इथपर्यंत पोहोचण्यासाठी रूटला प्रथम ॲलिस्टर कुक 1,611 आणि ग्रॅमी स्मिथ 1,611 धावा यांना मागे सोडावे लागेल. आता पुढच्या सामन्यात रुटनं मोठी खेळी खेळली तर तो सचिनचा रेकाॅर्ड मोडीत काढू शकतो.
महत्त्वाच्या बातम्या-
“माझ्या मुलाला निवृत्तीबद्दल समजले असेल”, निवृत्तीनंतर मुलगा जोरावरबद्दल शिखर धवन भावूक
तीन वर्षांत 4 उलटफेर, पाकिस्तानी संघाचा प्रत्येक फॉरमॅटमध्ये लाजिरवाणा पराभव
WTC गुणतालिकेत पाकिस्तानची घसरण, भारताचा नंबर कितवा? सर्वकाही जाणून घ्या