या कारणामुळे भारतात कसोटी खेळण्यासाठी येताना भडकला फाफ डू प्लेसिस

2 ऑक्टोबरपासून भारत विरुद्ध दक्षिण आफ्रिका संघात 3 सामन्यांची कसोटी मालिका सुरु होणार आहे. या मालिकेत दक्षिण आफ्रिकेचे नेतृत्व फाफ डू प्लेसिस करणार आहे. त्यामुळे तो ही मालिका खेळण्यासाठी भारतात येण्यासाठी निघाला आहे. पण भारतात येताना त्याला अनेक अडचणींना सामोरे जावे लागले आहे.

तो ब्रिटिश एअरवेजच्या विमानाने दुबई मार्गे भारतात येत होता. परंतू त्याच्या दुबईला येणाऱ्या विमानाला 4 तास उशीर झाला. या विलंबामुळे त्याचे भारतात येणारे विमानही चूकले. तसेच त्याची क्रिकेट किटबॅगही त्याला मिळाली नाही. त्यामुळे त्याने ब्रिटिश एअरवेजवर ट्विट करत नाराजी व्यक्त केली.

डू प्लेसिसने ट्विट केले आहे की ‘अखेर मी 4 तासांच्या विलंबानंतर दुबईच्या विमानात आहे. पण आता मला भारतात जाणारे विमान मिळणार नाही. पुढिल विमान 10 तासांनंतर आहे.’

Finally on a plane to Dubai after a 4 hour delay . Now I’m gonna miss my flight to India, next flight is only 10 hours later… 😡😡😡😡🙈 @British_Airways

— Faf Du Plessis (@faf1307) September 20, 2019

तसेच त्याने या ट्विटनंतर काही तासांनी पुन्हा ट्विट केले आहे की ‘तूम्हाला जेव्हा आयुष्यात अडचणी येतील त्याचा आनंद घ्या. माझी क्रिकेट बॅग अजून मिळालेली नाही. याबद्दल वास्तविक फक्त हसू शकतो. पण ब्रिटिश एअरवेज आज माझ्यासाठी हा अनुभव उड्डाण प्रवासातील सर्वात वाईट अनुभवांपैकी एक होता. ज्यामध्ये सर्वच चूकीचे झाले. आता फक्त आशा आहे की मला माझ्या बॅट परत मिळतील.’

When life gives you lemons , make lemonade .My cricket bag hasn’t arrived !!!!!!!!!! Actually can just smile about it but, wow @British_Airways today was one of my worst flying experiences where everything went wrong. Now just hoping I’ll have my bats back eventually 🙏✌🏻

— Faf Du Plessis (@faf1307) September 21, 2019

डू प्लेसिसला सध्या भारत विरुद्ध दक्षिण आफ्रिका संघात सुरु असलेल्या टी20 मालिकेसाठी संधी मिळालेली नाही. त्याच्याऐवजी या मालिकेत दक्षिण आफ्रिकेचे नेतृत्व क्विंटॉन डीकॉक करत आहे.

पण ही टी20 मालिका संपली की भारत विरुद्ध दक्षिण आफ्रिका संघात सुरु होणाऱ्या कसोटी मालिकेत डू प्लेसिसच दक्षिण आफ्रिकेचा कर्णधार असणार आहे.

ही 3 सामन्यांची कसोटी मालिका आयसीसी कसोटी चॅम्पियनशिपचा भाग असणार आहे. या कसोटी मालिकेतील पहिला सामना विशाखापट्टणमला 2 ते 6 ऑक्टोबर दरम्यान होणार आहे. तर दुसरा कसोटी सामना 10 ते 14 ऑक्टोबर दरम्यान पुण्यात आणि तिसरा कसोटी सामना 19 ते 23 ऑक्टोबर दरम्यान रांचीत होणार आहे.

क्रीडा क्षेत्रातील ताज्या घडामोडी, बातम्या, सदरे आणि विशेष लेखांसाठी लाईक करा महा स्पोर्ट्सचे फेसबुक पेज. आपणास व्हाॅट्सअपच्या माध्यमातून हे सर्व हवे असेल तर आम्हाला 9860265261 या व्हाॅट्सअप क्रमांकावर Join Maha असा मेसेज नक्की करा.

महत्त्वाच्या बातम्या – 

–आयसीसीला राहुल द्रविडबाबत केलेली ही चूक पडली महागात, चाहत्यांनी केले ट्रोल

–विराट कोहलीच्या या फोटोची सोशल मीडियावर होत आहे जोरदार चर्चा

–टीम इंडियात रिषभ पंतची जागा घेऊ शकतात हे ३ यष्टीरक्षक, एमएसके प्रसाद यांचा खूलासा