लवकर बरा हो दादा! आंतरराष्ट्रीय सँड आर्टिस्ट सुदर्शन पटनाईकने ‘अशी’ केली गांगुलीसाठी प्रार्थना, ट्विट व्हायरल

भारतीय संघाचा माजी कर्णधार आणि बीसीसीआयचा अध्यक्ष सौरव गांगुली याला हृदयविकाराचा झटका आल्याची बातमी समोर येताच सर्वांनाच धक्का बसला. यानंतर अनेकांनी त्याच्या तब्येतीबाबत अपडेट घेण्यासाठी त्याच्या कुटुंबीयांशी संपर्क साधला. कित्येक चाहत्यांनी ट्विटद्वारे त्याच्यासाठी प्रार्थना केली आहे. त्यातही एका वाळू शिल्पकाराने (सँड आर्टिस्ट) गांगुलीसाठी वाळूत शिल्पाकृती उभारत प्रार्थना केली आहे. या कलाकाराचे नाव सुदर्शन पटनाईक आहे.

आपल्या अधिकृत ट्विटर अकाउंटद्वारे पटनाईक यांनी आपली प्रार्थना ‘दादा’पर्यंत पोहोचवण्याचा प्रयत्न केला आहे. या ट्विटमध्ये त्यांनी एक फोटो शेअर केला आहे. या फोटोत त्यांनी वाळूच्या साहाय्याने बॅट आणि चेंडूचे चित्र बनवलेले दिसत आहे. त्यावर नेहमी सुटाबुटात राहणाऱ्या गांगुलीचे चित्रदेखील आहे. सोबतच त्या बॅटच्या एका बाजूला मोठ्या अक्षरात “गेट वेल सून दादा (लवकर बरा हो दादा)”, असे लिहलेले आहे.

पटनाईक यांनी ओडिसाच्या पुरी बिचवर हे सँड आर्ट बनवले आहे. विशेष म्हणजे, पटनाईक हे पद्मश्री पुरस्कार विजेते आहेत. तसेच त्यांचे ट्विटर अकाउंट हे आंतरराष्ट्रीय सँड आर्टिस्टचे अधिकृत अकाउंट आहे.

Get well soon DADA !! We pray for your speedy recovery .My SandArt at Puri beach in Odisha .@BCCI pic.twitter.com/iDBmJFgBWJ

— Sudarsan Pattnaik (@sudarsansand) January 2, 2021

Get well soon DADA !! We pray for your speedy recovery .My SandArt at Puri beach . pic.twitter.com/OTKvTQKWZp

— Sudarsan Pattnaik (@sudarsansand) January 2, 2021

Get well soon DADA !! @SGanguly99 We pray for your speedy recovery .My SandArt at Puri beach in Odisha .@BCCI pic.twitter.com/gy53u7g9Zf

— Sudarsan Pattnaik (@sudarsansand) January 2, 2021

सौरव गांगुलीच्या तब्येतीविषयी अपडेट

‘दादा’ म्हणून ओळखला जाणारा गांगुली याच्या तब्येतीबाबत महत्त्वाची माहिती समोर आली आहे. गांगुलीची पहिली अँजियोप्लास्टी करण्यात आली आहे. यावेळी त्याच्या हृदयाच्या रक्तवाहिनीत एक स्टेंट टाकण्यात आला आहे.