कार्तिकच्या नावाची चाहत्यांकडून नारेबाजी, फिल्डिंग करत असलेल्या मुरली विजयने थेट जोडले हात

भारतीय क्रिकेट संघाचे २ खेळाडू मुरली विजय आणि दिनेश कार्तिक भारताचे प्रतिनिधित्त्व करणाऱ्या २ महान खेळाडूंपैकी एक आहेत. दिनेश कार्तिकने नुकतेच भारतीय संघात दमदार पुनरागमन केले आहे आणि आपल्या क्रिकेट अध्यायाची पुन्हा नवी सुरुवात केली आहे. दुसरीकडे मुरली विजय भारतीय क्रिकेट संघापासून दूर असून सध्या तमिळनाडू प्रीमियर लीगद्वारे पुन्हा क्रिकेटच्या मैदानावर उतरला आहे.

दरम्यान मुरली विजयचा (Murali Vijay) एक व्हिडिओ सोशल मीडियावर जोरदार व्हायरल होत आहे, ज्यामध्ये दिनेश कार्तिकचाही (Dinesh Karthik) उल्लेख केला गेला आहे.

तमिळनाडू प्रीमियर लीग २०२२ मध्ये (Tamilnadu Premier League) मुरली विजय रुबी त्रिची वॉरियर्स संघाचे प्रतिनिधित्त्व करतो आहे. या संघाकडून शानदार शतक झळकावल्यानंतर मुरली विजय चर्चेत आला होता. यानंतर आता पुन्हा एकदा तो चर्चेत आला आहे. तमिळनाडू प्रीमियर लीगमधील एका सामन्यादरम्यान मुरली विजय सीमारेषेजवळ क्षेत्ररक्षण करत होता. यावेळी चाहते मुरली विजयकडे पाहून दिनेश कार्तिकच्या (Fans Shout Dinesh Karthik Name) नावाचे नारे लावू लागले. त्यानंतर मुरली विजयने चाहत्यांकडे बघून त्यांच्यापुढे हात जोडले. 

मुरली विजयच्या या प्रतिक्रियेचा व्हिडिओ सोशल मीडियावर व्हायरल होत आहे. कार्तिकचे नाव ऐकून चाहत्यांना हात जोडून त्याचे नाव न घेण्याची विनंती करणाऱ्या मुरली विजयच्या प्रतिक्रियेला चाहत्यांकडून मोठ्या प्रमाणात लाईक्सही मिळत आहेत. 

दरम्यान मुरली विजय क्रिकेटमधून छोटा ब्रेक घेतल्यानंतर तमिळनाडू प्रीमियर लीगमध्ये उतरला आहे. या लीगमधील पहिल्या सामन्यात त्याने ५७ चेंडूत शानदार शतक झळकावले आहे. अशाप्रकारे त्याने क्रिकेटमधील आपले पुनरागमन गाजवले आहे.

#TNPL2022 DK DK DK ……
Murali Vijay reaction pic.twitter.com/wK8ZJ84351

— Muthu (@muthu_offl) July 7, 2022