पाकिस्तान विरुद्ध ऑस्ट्रेलिया (PAK vs AUS) संघांमध्ये कराची येथे दुसरा कसोटी सामना (Second Test) सुरू आहे. या सामन्याच्या पहिला दिवसाचा खेळ संपला असून पाहुण्या ऑस्ट्रेलियाचे पारडे जड दिसत आहे. ऑस्ट्रेलियाकडून सलामीवीर डेविड वॉर्नर याने नाबाद शतकी खेळी केली आहे. तसेच स्टिव्ह स्मिथ यानेही अर्धशतकी खेळीचे योगदान दिले आहे. यासह ऑस्ट्रेलियाचा संघ पहिल्या दिवसाखेर ९० षटकांमध्ये ३ बाद २५१ धावा अशा मजबूत स्थितीत आहे.
एकीकडे पहिल्या दिवशी यजमान पाकिस्तानच्या संघाला विकेट मिळत नव्हत्या, अशावेळी दुसरीकडे पाकिस्तानचा वेगवान गोलंदाज हसन अली (Hasan Ali) मैदानावर थिरकताना दिसला (Hasan Ali Dancing On Ground) आहे. यामुळे पाकिस्तान क्रिकेटचे चाहते भडकले असून त्यांनी हसन अलीला ट्रोलही (Hasan Ali Trolled By Fans) करायला सुरुवात केली आहे.
पाकिस्तान क्रिकेटने त्यांच्या अधिकृत सोशल मीडिया अकाउंटवर हसन अलीचा मैदानात नाचतानाचा व्हिडिओ शेअर केला आहे. या व्हिडिओत तो एक हात वर करून नाचताना दिसत आहे.
🕺🏼 #BoysReadyHain l #PAKvAUS @RealHa55an pic.twitter.com/sslD2r6fjY
— Pakistan Cricket (@TheRealPCB) March 12, 2022
या व्हिडिओला पाहून चाहते मात्र खूप संतापले आहेत. त्यांनी व्हिडिओखाली प्रतिक्रिया देताना लिहिले आहे की, ‘फक्त याला नाचवून घ्या’. तर एका चाहत्याने त्याला ट्रोल करत म्हटले आहे की, ‘प्रदर्शन झिरो, नाच-गाणे फुल’. इतरांनीही वेगवेगळ्या प्रतिक्रिया नोंदवत हसन अलीवर निशाणा साधला आहे.
असा राहिला पहिला दिवस
दरम्यान कराची कसोटीच्या पहिल्या दिवशी पाकिस्तानचा संघ संघर्ष करताना दिसला. त्यांना पहिल्या दिवशी केवळ ३ विकेट्स घेण्यात यश आले. ऑस्ट्रेलियाकडून सलामीवीर उस्मान ख्वाजा नाबाद १२७ धावांवर खेळत आहे. त्याने १ षटकार आणि १३ चौकारांच्या मदतीने ही खेळी केली आहे. तर स्टिव्ह स्मिथ २१४ चेंडूंमध्ये ७२ धावांवर झेलबाद झाला आहे. तर इतर फलंदाज विशेष खेळ दाखवू शकले नाहीत. सलामीवीर डेविड वॉर्नर ३६ धावांवर बाद झाला. तर मार्नस लॅब्यूशेन भोपळाही न फोडता पव्हेलियनला परतला.
पाकिस्तानकडून हसन अली आणि फहिम अश्रफ यांनी प्रत्येकी १ विकेट्स घेतल्या आहेत. यापूर्वीचा पहिला कसोटी सामना अनिर्णीत राहिला होता. त्यामुळे हा दुसरा सामना जिंकण्यावर उभय संघांची नजर असेल.
महत्त्वाच्या बातम्या-
वेस्ट इंडीजच्या धडाकेबाज खेळाडूला आवडते ‘भेंडी’, तर ‘या’ बॉलिवूड सुपरस्टारचा आहे दीवाना
नॉटआऊट, रिव्ह्यू, रनआऊट; मयंक अगरवालच्या विकेटचा सावळा गोंधळ, पाहा व्हिडिओ
VIDEO: भारतीय महिलांचा ‘रिले थ्रो रन-आऊट’ पाहिला का? नेम असा की…
