इंग्लंडचा माजी फिरकीपटू ऍशले जाईल्सचा असा विश्वास आहे की भारताकडे खूप मजबूत टी२० संघ आहे, जो वरपासून खालपर्यंत मजबूत दिसतो, तर त्याचे पर्यायी खेळाडू तितकेच सक्षम आहेत. भारताने शनिवारी दुसऱ्या टी२० आंतरराष्ट्रीय सामन्यात यजमान इंग्लंडचा ४९ धावांनी पराभव करत तीन सामन्यांच्या मालिकेत २-० अशी आघाडी घेतली. भारताने पहिला टी२० सामनाही ५० धावांनी जिंकला, तर विराट कोहली, जसप्रीत बुमराह आणि ऋषभ पंत त्या सामन्यात संघाचा भाग नव्हते. दीपक हुडा आणि सूर्यकुमार यादव या युवा फलंदाजांनी चांगली कामगिरी केली.
ऍशले जाइल्सने क्रिकइन्फोला सांगितले की, “भारतीय संघ वरपासून खालपर्यंत खूप मजबूत दिसत आहे. पहिल्या टी२० आंतरराष्ट्रीय सामन्यापासून दुसऱ्या सामन्यापर्यंतचा बदल पाहिला तर. तुम्ही त्या संघालाही खेळवू शकला असता आणि निकालही तसाच आला असता. तो म्हणाला की त्यांचा गोलंदाजी आक्रमण पहा, ते खूप मजबूत आहे. दोन्ही टी२० सामन्यांमध्ये विकेट गमावल्यानंतरही भारताने सुरुवातीपासून शेवटपर्यंत आक्रमक पध्दत स्वीकारली आणि अखेरीस तेच संघाच्या विजयाचे मुख्य कारण ठरले.”
अधिक धावा करण्याचा प्रयत्न करा
जाईल्स म्हणाला की, तुम्हाला गोलंदाजांवर दबाव आणावा लागेल. काहीवेळा तो गोलंदाजांचा दिवस असतो, परंतु आपण कितीही विकेट गमावल्या तरीही, आपल्याला पुढे चालू ठेवावे लागेल आणि जास्तीत जास्त धावा करण्याचा प्रयत्न करावा लागेल. हा भारतीय संघ हे करण्यास सक्षम आहे. या वर्षी ऑक्टोबर आणि नोव्हेंबरमध्ये ऑस्ट्रेलियात टी२० विश्वचषक खेळवला जाणार असल्याची माहिती आहे. गेल्या वर्षी भारत या प्रतिष्ठेच्या स्पर्धेच्या गटातून बाहेर पडला होता. यावेळी अनेक तज्ञ भारताला दावेदार मानत आहेत.
रोहित शर्माच्या नेतृत्वाखालील संघाची कामगिरी आतापर्यंत उत्कृष्ट राहिली आहे. नवा कर्णधार बनल्यानंतर त्याने आतापर्यंत एकही सामना गमावलेला नाही. कर्णधार म्हणून त्याने सलग १४ टी२० आंतरराष्ट्रीय सामने जिंकले आहेत. आज तिसरा टी२० सामना होणार आहे. अशा स्थितीत संघाच्या नजरा क्लीन स्वीपवर असतील.
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या-
Video: क्रिकेटच्या मैदानाबाहेरही शोएबने केला पराक्रम; शैतानावर टाकला ताशी १०० किमीच्या वेगाने दगड
अवघ्या काही दिवसांनी हुकली होती सचिनची गावसकरांसोबत खेळण्याची संधी
रोहितची कॅप्टनसी टीम इंडियासाठी ‘लकी’! इंग्लंडमध्ये इंग्लंडलाच चारली धूळ
