माजी भारतीय क्रिकेटपटू सुधीर नाईक यांच्याबाबतीत एक चिंताजनक बातमी समोर येत आहे. नाईक यांचा त्यांच्या मुंबई येथील आपल्या राहत्या घरी अपघात झाला असून, त्यांना रुग्णालयात भरती करण्यात आले आहे. सुधीर नाईक हे भारतातील सर्वोत्तम पिच क्युरेटर म्हणून ओळखले जातात.
नाईक हे सध्या 78 वर्षांचे असून ते दादर येथे राहतात. पत्नीचे निधनानंतर ते एकटेच राहत होते. घरातच घसरून पडल्यामुळे त्यांना हॉस्पिटलमध्ये दाखल केले. त्यांची प्रकृती गंभीर असून त्यांना आयसीयुमध्ये दाखल केले आहे. त्यांची मुलगी व जावई हे मुंबईकडे निघाले आहेत. सुधीर नाईक यांनीच 2011 वनडे विश्वचषकाच्या अंतिम सामन्यासाठीची खेळपट्टी बनवली होती. भारतीय संघाने हा अंतिम सामना जिंकत 28 वर्षानंतर विश्वचषक आपल्या नावे केला होता. या खेळपट्टीचे अनेकांनी कौतुक केलेले.
नाईक यांनी भारतीय क्रिकेट संघासाठी 1974-1975 या कालावधीत केवळ तीन कसोटी व दोन वनडे सामने खेळले. आंतरराष्ट्रीय स्तरावर फारशी ओळख त्यांना मिळाली नाही. मात्र, देशांतर्गत क्रिकेटमध्ये त्यांनी खोऱ्याने धावा काढल्या. मुंबईसाठी 85 प्रथमश्रेणी सामने खेळताना त्यांनी 4376 धावा केल्या. खेळाडू म्हणून कारकीर्द समाप्त झाल्यानंतर नाईक यांनी क्रिकेट प्रशिक्षक म्हणून देखील काम पाहिले. नॅशनल क्रिकेट क्लबचे प्रशिक्षक असताना त्यांच्या हाताखाली तयार झालेल्या जहीर खान, वसीम जाफर, रमेश पोवार व पारस म्हांब्रे इत्यादी खेळाडूंनी भारतीय संघाचे देखील प्रतिनिधित्व केले.
(Former India Cricketer And Famous Pitch Curator Sudhir Naik Admitted In Hospital After Slip In House)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
रक्त काढणारा चेंडू! पाकिस्तानी गोलंदाजाच्या खुंखार चेंडूने फोडला फलंदाजाचा जबडा, पाहा व्हिडिओ
IPLपूर्वी हॉटेल रूमचा पासवर्ड विसरला सूर्या, ‘सुपला शॉट’ म्हणताच घडलं ‘असं’ काही; विराटचीही खास कमेंट