भारतीय फलंदाज विराट कोहलीची बॅट गेल्या काही काळापासून शांत आहे. खरंतर विराट सतत खराब फॉर्मशी झुंजत असतो. इंग्लंडविरुद्धच्या एजबॅस्टन कसोटीत विराट कोहली दोन्ही डावात मोठी धावसंख्या करण्यात अपयशी ठरला. आपल्या खराब फॉर्ममुळे कोहली अनेक दिग्गजांच्या निशाण्यावर आहे. दरम्यान, पाकिस्तानचा माजी खेळाडू राशिद लतीफने विराट कोहलीवर मोठे वक्तव्य केले आहे.
‘प्रत्येक खेळाडूच्या कारकिर्दीत एक वाईट टप्पा येतो’
एक खेळाडू म्हणून कोहलीचा फॉर्म चढ-उतारातून जात असला तरी जागतिक क्रिकेटला अशा खेळाडूंची गरज आहे, असे रशीद लतीफचे मत आहे. राशिद लतीफच्या मते, विराट कोहली लवकरच फॉर्ममध्ये परतणार आहे. तो म्हणाला की एजबॅस्टन कसोटीत विराट कोहली कधी जो रूटसोबत तर कधी जॅक लीचसोबत अडकला, माझ्या मते हे सकारात्मक लक्षण आहे. विराट कोहली लवकरच फॉर्ममध्ये येईल याची मला शंभर टक्के खात्री आहे.
‘विराट ब्रॅडमन आणि सचिनच्या लीगमध्ये असेल’
रशीद लतीफ इथेच थांबला नाही, त्याने विराट कोहलीबद्दल मोठा अंदाज वर्तवला. वास्तविक, पाकिस्तानचा माजी कर्णधार म्हणाला की, जेव्हा विराट कोहली क्रिकेटला अलविदा म्हणेल, त्यावेळी तो डॉन ब्रॅडमन आणि सचिन तेंडुलकरच्या लीगमध्ये असेल. त्याचबरोबर अशी वेळ प्रत्येक खेळाडूच्या कारकिर्दीत येते, मात्र त्याच्या कारकिर्दीनंतर विराट कोहलीला महान फलंदाज सचिन तेंडुलकर आणि डॉन ब्रॅडमन यांच्यापेक्षा चांगले ठरवले जाईल.
दरम्यान, विराट कोहली सध्या अनेक दिवसांपासून फॉर्ममध्ये दिसत नाही. त्यामुळे गेल्या बऱ्याच दिवसा पासून त्याला एकही शतक झळकावता आलेले नाही. त्यामुळेच त्याच्या फलंदाजीवर प्रश्नचिन्ह उपस्थित केले जात आहे. इतकेच नाही आतातर त्याला संघातून बाहेरचा रस्ता दाखवण्याची मागणीही काही नेटकऱ्यांकडून केल्या जात आहेत.
महास्पोर्ट्सचा व्हॉट्सअप ग्रूप जॉइन करण्यासाठी येथे क्लिक करा
हेही वाचा-
पूजा वस्त्राकरचा विश्वविक्रम, बनली ‘अशी’ कामगिरी करणारी जगातील पहिला महिला क्रिकेटपटू
पहिल्याच सामन्यात रोहितनं केली निराशा! तिसऱ्या षटकांत मोईने अलीने दिला भारताला मोठा झटका
पहिली टी२० भारत जिंकणार की इंग्लंड? वाचा काय सांगतोय इतिहास
