मुंबई, 23 नोव्हेंबर 2023: महाराष्ट्र राज्य लॉन टेनिस संघटना(एमएसएलटीए) यांच्या वतीने एमएसएलटीए 25हजार डॉलर पुरुष आयटीएफ टेनिस स्पर्धेत मुख्य ड्रॉच्या उप-उपांत्यपूर्व फेरीत रामकुमार रामनाथन, सिद्धार्थ विश्वकर्मा, एसडी प्रज्वल देव आणि सिद्धार्थ रावत या चार भारतीय खेळाडूंनी विजयी मालिका कायम ठेवत उपांत्यपूर्व फेरीत प्रवेश केला.
जीए रानडे टेनिस कोर्ट या ठिकाणी सुरु असलेल्या या स्पर्धेत एकेरीत मुख्य ड्रॉमध्ये उप-उपांत्यपूर्व फेरीत भारताच्या तिसऱ्या मानांकित रामकुमार रामनाथन याने देव जावीयाचा 6-3, 6-4 असा पराभव करून विजयी घौडदौड कायम राखली. संघर्षपूर्ण लढतीत भारताच्या सिद्धार्थ विश्वकर्मा याने जपानच्या र्योतारो तागुचीचा टायब्रेकमध्ये 6-7(2), 7-6(3), 6-2 असा पराभव करून आपले आव्हान कायम राखले. सिद्धार्थ रावतने वाईल्ड कार्डद्वारे प्रवेश केलेल्या राघव जयसिंघानीचा 6-2, 6-2 असा सहज पराभव करून उपांत्यपूर्व फेरी गाठली.
अव्वल मानांकित रशियाच्या एव्हेग्नी डोन्स्कॉयने क्वालिफायर भारताच्या आर्यन शहाचे आव्हान 6-2, 6-1 असे संपुष्टात आणले. सातव्या मानांकित एस डी प्रज्वल देव याने सिद्धांत बांठियाला 6-3, 6-4 असे पराभूत केले. जर्मनीच्या दुसऱ्या मानांकित लुई वेसेल्स याने जपानच्या युइचिरो इनुईचा 6-4, 7-6(0) असा पराभव करून आगेकूच केली. अमेरिकेच्या हॅरिसन अॅडम्स याने ऑस्ट्रियाच्या आठव्या मानांकित डेव्हिड पिचलरचा 6-3, 6-4 असा पराभव करून पुढच्या फेरीत आपले स्थान निश्चित केले.
निकाल: मुख्य ड्रॉ: एकेरी: उप-उपांत्यपूर्व फेरी:
एव्हेग्नी डोन्स्कॉय(रशिया)[1]वि.वि.आर्यन शहा(भारत) 6-2, 6-1;
लुई वेसेल्स (जर्मनी)[2]वि.वि.युइचिरो इनुई(जपान)6-4, 7-6(0);
सिद्धार्थ विश्वकर्मा(भारत)वि.वि.र्योतारो तागुची (जपान)6-7(2), 7-6(3), 6-2;
रियुकी मात्सुदा(जपान)[5]वि.वि.युनसॅक जांग(कोरिया)6-3, 6-3;
रामकुमार रामनाथन (भारत)[3]वि.वि. देव जावीया(भारत) 6-3, 6-4;
सिद्धार्थ रावत(भारत)वि.वि.राघव जयसिंघानी(भारत)6-2, 6-2;
हॅरिसन अॅडम्स (अमेरिका)वि.वि.डेव्हिड पिचलर(ऑस्ट्रिया)[8] 6-3, 6-4;
एस डी प्रज्वल देव (भारत)[7] वि.वि.सिद्धांत बांठिया(भारत)6-3, 6-4;
दुहेरी: उपांत्यपुर्व फेरी:
हॅरिसन अॅडम्स (अमेरिका)/व्लादिस्लाव ऑर्लोव्ह(युक्रेन) वि.वि. करण सिंग(भारत)/परिक्षित सोमानी(भारत) 6-3, 6-3;
रियुकी मात्सुदा(जपान)/र्योतारो तागुची(जपान) वि.वि. सिद्धांत बांठिया(भारत)/मनीष सुरेशकुमार(भारत)6-2, 7-6(3);
पुरव राजा(भारत)/रामकुमार रामनाथन(भारत)[1] वि.वि.डेव्हिड पिचलर(ऑस्ट्रिया)/लुई वेसेल्स(जर्मनी) 7-6(2), 6-4;
एसडी प्रज्वल देव(भारत)/ [2] / नितीन कुमार सिन्हा (भारत)वि.वि.काझुमा कावाची(जपान)/कोकी मात्सुदा(जपान) 6-1, 3-6, 10-7.
महत्वाच्या बातम्या –
मोठी बातमी! वर्ल्डकप खराब गेल्यानंतर स्टोक्सची आयपीएलमधूम माघार, जाणून घ्या कारण
‘मनोबल खचलेले असताना…’, ड्रेसिंग रुममध्ये आलेल्या पंतप्रधान मोदींबाबत शमीची पहिली प्रतिक्रिया
