जागतिक कसोटी चॅम्पियनशिप (World Test Championship) साठी 9 संघांनी त्यांच्या मोहिमेला सुरुवात केली तेव्हा प्रत्येकाने अंतिम फेरी गाठण्याचे स्वप्न पाहिले असेल. मात्र, आतापर्यंत कोणत्याही संघाला अंतिम फेरीत आपले नाव निश्चित करता आले नाही. जागतिक कसोटी चॅम्पियनशिपचा (WTC) अंतिम सामना येत्या जुलैमध्ये होणार असून जवळपास 4 संघांचे अंतिम फेरी गाठण्याचे स्वप्न जवळपास संपले आहे. या संघांनी उर्वरित सर्व सामने जिंकले तरी त्यांची अंतिम फेरीत जाण्याची संधी गमवावी लागू शकते.
वेस्ट इंडिज, इंग्लंड, पाकिस्तान आणि बांगलादेश हे 4 संघ असे आहेत, ज्यांचे अंतिम फेरीत जाण्याचे स्वप्न जवळपास भंगले आहे. आतापर्यंत 9 पैकी फक्त 1 कसोटी जिंकलेल्या वेस्ट इंडिजची गुणांची टक्केवारी केवळ 18.52 आहे आणि ते गुणतालिकेत शेवटच्या स्थानावर आहे. त्यांच्याकडे 4 कसोटी बाकी आहेत आणि त्यांनी ते सर्व सामने जिंकले तरी त्यांच्या गुणांची टक्केवारी केवळ 43.59 असेल जी त्यांना अंतिम फेरीत नेण्यासाठी पुरेसे नाही.
अलीकडेच इंग्लंडचा पराभव करणाऱ्या पाकिस्तानने 9 पैकी 6 कसोटी गमावल्या आहेत आणि 25.93 गुणांच्या टक्केवारीसह ते आठव्या स्थानावर आहेत. त्यांना अजून 5 कसोटी खेळायच्या आहेत. पाकिस्तानी संघाने उर्वरित सर्व सामने जिंकले तरी त्यांच्या गुणांची टक्केवारी 60च्या खालीच राहील. बांगलादेशने 8 पैकी 3 कसोटी जिंकल्या आहेत आणि त्यांच्या गुणांची टक्केवारी 34.38 आहे. जरी त्यांनी वेस्ट इंडिज आणि आफ्रिकेला क्लीन स्वीप केले तरीही त्यांच्या गुणांची टक्केवारी 56.25 वर थांबणार आहे.
या कसोटी चॅम्पियनशिपमध्ये इंग्लंडने जास्तीत जास्त 18 कसोटी सामने खेळले आहेत, परंतु त्यापैकी फक्त 9 जिंकले आहेत. इंग्लंडची टक्केवारी 43.06 आहे. जर त्यांनी अंतिम सामन्यात पाकिस्तानविरूद्ध आणि त्यानंतर न्यूझीलंडविरुद्धच्या 3 सामन्यांमध्ये विजय मिळवला तर त्यांच्या गुणांची टक्केवारी 57.95 वर पोहोचेल. या गुणांच्या टक्केवारीमुळे इंग्लंडला अंतिम फेरीत जाता येणार नाही.
महत्त्वाच्या बातम्या-
“बाॅर्डर-गावस्कर ट्राॅफी खेळणार पण…” पुनरागमनाबद्दल मोहम्मद शमी काय म्हणाला?
IND vs NZ; दुसऱ्या कसोटीत रोहित शर्मा रचणार इतिहास? या दिग्गजाला टाकणार मागे
खराब फॉर्मशी झगडत असलेल्या बाबर आझमला सेहवागचा सल्ला, कमबॅक करण्याचं सूत्र सांगितलं
