---Advertisement---

गिल-पंत यांनी एकाच वेळी रचला इतिहास! WTC मध्ये पूर्ण केल्या 3 हजार धावा, पंत ठरला पहिला यष्टिरक्षक

On: शनिवार, नोव्हेंबर 21, 2026 7:31 PM
---Advertisement---

टीम इंडिया आणि न्युझीलंड दोन्ही संघात सुरु असलेल्या कसोटी मालिकेत कर्णधार शुबमन गिल (Shubman Gill) आणि ऋषभ पंत (Rishbh Pant) यांनी एकाच वेळी मोठा विक्रम आपल्या नावावर केला आहे. या दोघांनीही जागतिक कसोटी अजिंक्यपद स्पर्धेत (WTC) 3 हजार धावांचा टप्पा पूर्ण केला आहे. यापूर्वी कोणत्याही भारतीय फलंदाजाला ही कामगिरी करता आली नव्हती.

विशेष म्हणजे, WTC मध्ये 3 हजार धावा पूर्ण करणारा शुबमन गिल हा पहिला भारतीय फलंदाज ठरला. त्याने पहिल्या डावात 98 धावांची खेळी केली. त्यानंतर काही वेळातच ऋषभ पंतनेही 3 हजार धावांचा टप्पा गाठला. तिसऱ्या दिवसाचा खेळ संपला तेव्हा पंत 55 धावांवर नाबाद होता.

वेलिंग्टन कसोटीपूर्वी शुबमन गिलने WTC मध्ये 76 डावांत 2,917 धावा केल्या होत्या. 3 हजार धावांचा टप्पा गाठण्यासाठी त्याला आणखी 83 धावांची गरज होती. पहिल्या डावातील 98 धावांच्या खेळीनंतर त्याच्या नावावर WTC मध्ये 3,015 धावा जमा झाल्या आहेत. मात्र, त्याला शतक पूर्ण करता आले नाही. दिवसाच्या शेवटच्या षटकात बाद झाल्यानंतर त्याच्या चेहऱ्यावर निराशा स्पष्ट दिसत होती.

दुसरीकडे, ऋषभ पंतनेही 3 हजार धावांचा टप्पा पूर्ण केला. मात्र, त्याची ही कामगिरी विशेष ठरली आहे. कारण WTC च्या इतिहासात 3 हजार धावा पूर्ण करणारा तो जगातील पहिला यष्टिरक्षक फलंदाज ठरला आहे. हा टप्पा गाठण्यासाठी पंतला 52 धावांची गरज होती. पहिल्या डावात 55 धावा केल्यामुळे त्याच्या WTC मधील एकूण धावांची संख्या 3,003 झाली आहे.

WTC मध्ये सर्वाधिक धावा करणाऱ्या भारतीय फलंदाजांच्या यादीत सध्या कर्णधार शुबमन गिल अव्वल स्थानावर आहे. त्यानंतर ऋषभ पंतचा क्रमांक लागतो. रोहित शर्माने 2716 धावा केल्या असून तो तिसऱ्या स्थानावर आहे. तर 2675 धावांसह रवींद्र जडेजा (Ravindra Jadeja) चौथ्या क्रमांकावर आहे. यशस्वी जयस्वाल (Yashasvi Jaiswal) जडेजापेक्षा केवळ दोन धावांनी मागे आहे.

दरम्यान, वेलिंग्टन कसोटी सामन्यात न्यूझीलंडचा पहिला डाव 368 धावांवर आटोपला. त्यानंतर भारताच्या पहिल्या पाच फलंदाजांनी प्रत्येकी 50 किंवा त्याहून अधिक धावा केल्या. हीदेखील एक विक्रमी कामगिरी ठरली आहे. तिसऱ्या दिवसाचा खेळ संपला तेव्हा भारताने 4 गडी गमावून 486 धावा केल्या होत्या. त्यामुळे भारताकडे एकूण 118 धावांची आघाडी झाली होती.

Join WhatsApp

Join Now

Join Telegram

Join Now
---Advertisement---