इंडियन प्रीमियर लीग २०२२च्या चौथ्या सामन्यात हार्दिक पंड्याच्या नेतृत्वाखालील गुजरात टायटन्सने लखनऊ सुपर जायंट्सला ५ विकेट्सने पराभूत केले. लखनऊ संघाने गुजरात संघासमोर १५९ धावांचे लक्ष्य ठेवले होते. या सामन्यात कर्णधार हार्दिक पंड्या आणि मोहम्मद शमीच्या चांगल्या खेळीच्या मदतीने गुजरातने ५ गडी गमावत १९.४ षटकातच हे लक्ष्य गाठले. कर्णधार म्हणून पहिलाच सामना जिंकल्याने पंड्या खूप आनंदी असल्याचे दिसत आहे. हार्दिकने शमीचे कौतुक केले आहे.
हार्दिकने लखनऊ विरुद्धच्या सामन्यानंतर आपल्या या यशाबद्दल सांगितले आहे. तसेच शमीचे कौतुक करताना तो म्हणाला, “शमी आपल्या वेगवान गोलंदाजीसाठी ओळखला जातो. त्याने संघाला चांगली सुरुवात करून दिली. आम्ही १६० धावा केल्या असत्या. आता मी चौथ्या क्रमांकावर खेळणार आहे. कारण, मला अनुभवाने दबाव बनवायचा आहे, ज्यामुळे दुसऱ्यांना खुल्यापणाने खेळता यावे. आम्हाला एक संघ म्हणून खेळायचे आहे आणि कोणतेही योगदान यापासून दूर घेऊन जाऊ शकत नाही.”
हार्दिक यावेळी हवामानाबद्दल सुद्धा बोलला. तो म्हणाला, “आज मैदानात खूप आर्द्रता होती. त्यामुळे मी सुरुवातीला शमीकडून पूर्ण षटके टाकून घेऊ शकलो नाही. अभिनव सदारंगानीकडे एक चांगली प्रतिभा आहे. त्याने हे दाखवून दिले आहे की, तो भविष्यात चांगले खेळेल. तसेच राहुल तेवतिया सुद्धा चांगला खेळला. जर आम्ही हरलो असतो, तर मला कृणालकडे जाण्यास त्रास झाला असता. परंतु आता कुटुंब खुश आहे. त्याने मला बाद केले आणि आम्ही सामना जिंकलो.”
या सामन्यात गुजरातकडून मॅथ्यू वेडने ३० धावा केल्या. हार्दिक पंड्याने ३३ धावा केल्या, तर डेविड मिलरने ३० आणि तेवतियाने ४० धावा केल्या. लखनऊकडून दीपक हुड्डाने १, कृणाल पंड्याने १ आणि गोलंदाज दुष्मंथा चमीराने २ विकेट्स घेतल्या. लखनऊचा कर्णधार केएल राहुल शून्य धावेवर बाद झाला. दीपक हुड्डाने ५५ धावा केल्या. आयुष बदोनीने ५४ धावा केल्या. या सामन्यात गुजरातकडून मोहम्मद शमीने ३ विकेट्स घेतल्या.
महत्त्वाच्या बातम्या-
कृणालने बाद केल्यानंतर काय वाटले? हार्दिक म्हणतो, ‘जर आम्ही पराभूत झालो असतो तर…’
IPL2022| हैदराबाद वि. राजस्थान सामन्यासाठीची ‘ड्रीम ११’, हे खेळाडू करून देऊ शकतात पैसा वसूल!
आयपीएलच्या पहिल्याच हंगामात राजस्थान रॉयल्सला जेतेपद जिंकून देणारा ‘स्वप्निल असनोडकर’