मुंबई । अयोध्येत राम मंदिराचे बांधकाम अखेर बुधवारी भव्य भूमी पूजनाने सुरू झाले. पंतप्रधान नरेंद्र मोदी यांनी राम मंदिर भूमिपूजनाच्या भव्य अनुष्ठानात भाग घेण्यासाठी अयोध्या दौर्‍यावर गेले होते. त्यांच्यासमवेत उत्तर प्रदेशचे मुख्यमंत्री योगी आदित्यनाथ यांच्यासह देशभरातील अनेक मान्यवर लोक उपस्थित होते. अयोध्येत बाबरी मशिदीच्या वादग्रस्त ठिकाणी राम मंदिर बांधण्याच्या सुप्रीम कोर्टाच्या आदेशानंतर एका वर्षानंतर हा ऐतिहासिक क्षण आला.
अनेक सेलिब्रिटींनी सोशल मीडियावर आपल्या भावना व्यक्त करत आहेत. लोक संपूर्ण भारतात ऐतिहासिक आणि भावनिक क्षण साजरे करीत आहेत. दरम्यान भारताचा वेगवान गोलंदाज मोहम्मद शमीच्या पत्नीनेही यावर प्रतिक्रिया दिली. इंस्टाग्रामवर फोटो शेअर करताना हसीन शांतता पाळण्याचा संदेश देताना दिसली, परंतु मुस्लिम धर्मातील लोकांना हे आवडले नाही.
हसीन नेहमी फनी व्हिडिओ किंवा वादग्रस्त विधानांबद्दल चर्चेत असते. परंतु तीने राम मंदिर बांधल्याबद्दल आनंद व्यक्त केला, ज्यावर हिंदू वर्गाच्या लोकांनी तिचे जोरदार कौतुक केले. हसीन जहांने फोटो शेअर केले आणि लिहिले की, ” श्री राम मंदिराचे भूमीपूजन. आता सर्व देशवासियांना बंधुत्वाच्या संकल्पनेने देशाला जागतिक सामर्थ्यावान बनवावे लागेल. इंशा अल्लाह!”
बलात्काराची धमकी मिळाली
हसीन जहांच्या पोस्टने हिंदूधर्मीय लोकांनी कौतुक केले तर मुस्लिम वर्गाच्या लोकांनी तिला जिवे मारण्याची आणि बलात्कार करण्याची धमकी दिली. हसीन ही मुस्लिम धर्मीय आहे, म्हणूनच काही लोक तिच्यावर भडकवताना दिसले. हसीन जहांने शमीवर सामना फिक्सिंग, घरगुती हिंसाचार आणि इतर महिलांशी संबंध असल्याचा आरोप केला होता. हे दोघे बर्‍याच दिवसांपासून एकमेकांपासून दूर राहत आहेत.
