पुणे (21 मार्च 2024) – आज प्रमोशन फेरीचा तिसरा दिवस होता. दोन्ही संघानी प्रमोशन फेरीत आपले पहिले दोन्ही सामने जिंकले होते. दोन्ही संघानी संथ सुरुवात केली होती. सामन्याच्या तिसऱ्या चढाईत कोल्हापूर संघाने हर्ष मेहेरची पकड करत पहिला गुण मिळाला. त्यानंतर ओमकार पाटील ने तिसऱ्या चढाईत गुण मिळवत कोल्हापूर संघाला दुसरा गुण मिळवून दिला. सामन्याच्या 6 व्या मिनिटाला पालघर संघाने आपले खात उघडला.
कोल्हापूर कडून सौरभ फगारे ने चढाईत तर धनंजय भोसले ने पकडीत गुण मिळवत कोल्हापूर संघाला आघाडी मिळवून दिली होती. पालघरच्या जीत पाटील 2 तर पियुष पाटील ने 1 व योगेश मोरासे ने 1 सुपर टॅकल करत सामना बरोबरीत आणला. मध्यंतराला सामना 10-10 असा बरोबरीत सुरू होता. 10 पैकी 9 गुण हे बचावपटूंनी मिळवले होते. मध्यंतरा नंतर कोल्हापूरच्या साहिल पाटील ने 2 गुण मिळवत तर पालघरच्या पुढील चढाईत पियुष पाटीलची पकड कोल्हापूर संघाने पालघर संघाला ऑल आऊट केले.
कोल्हापूरच्या सौरभ फगारे व साहिल पाटील ने उत्कृष्ट चढाया करत गुण मिळवले. त्याच बरोबर कोल्हापूरच्या बचावपटूंनी उत्कृष्ट पकड उत्तरार्धात पालघर संघाला पुन्हा एकदा ऑल आऊट करत सामन्यावर आपली पकड मजबूत केली. कोल्हापूर संघाने 28-22 असा विजय मिळवत प्रमोशन फेरीतील दुसरा विजय मिळवला. कोल्हापूर कडून सौरभ फगारे ने चढाईत 4 तर साहिल पाटील ने 4 गुण मिळवले. दादासो पुजारी, धनंजय भोसले व साईप्रसाद पाटील यांनी प्रत्येकी पकडीत 3 गुण मिळवत महत्वपूर्ण भूमिका निभावली. पालघरच्या पियुष पाटील ने अष्टपैलू खेळी केली.
बेस्ट रेडर- पियुष पाटील, पालघर
बेस्ट डिफेंडर- प्रेम मंडळ, पालघर
कबड्डी का कमाल – जीत पाटील, पालघर
महत्वाच्या बातम्या –
प्रमोशन फेरीत नंदुरबार संघाचा पहिला विजय
प्रमोशन फेरीत अहमदनगर, पालघर व कोल्हापूर संघांचा सलग दुसरा विजय
